কাছিম ছুলেমানীৰ বিৰুদ্ধে গুপ্তচৰগিৰি কৰা দোষীক মৃত্যুদণ্ড ইৰাণত

মৃত্যুদণ্ডৰে দণ্ডিত ইৰাণৰ এজন নাগৰিক । দেশখনৰ সৈতে বিশ্বাসঘাটকতা কৰাৰ অভিযোগতে মৃত্য়ুদণ্ড দিয়ে মহমুদ মুছাবী মাজিদ নামৰ এজন ব্যক্তিক । আমেৰিকাই হত্যা কৰা ইৰাণৰ জনপ্ৰিয় জেনেৰেল কাছিম ছুলেমানীৰ তথ্য ধনৰ বিনিময়ত আমেৰিকাক যোগান ধৰাৰ অভিযোগতে মৃত্য়ুদণ্ড দিয়া হয় মহমুদ মুছাবী মাজিদক ।

নিউজ ডেস্ক, ২০ জুলাইঃ ইৰাণৰ সৈতে বিশ্বাসঘাটকতা কৰাৰ বাবেই মৃত্যুদণ্ডৰে দণ্ডিত মহমুদ মুছাবী মাজিদ নামৰ এজন ইৰাণৰ ব্যক্তি । ইৰাণৰ জনপ্ৰিয় জেনেৰেল কাছিম ছুলেমানী ইৰাণত থকা তথ্য ধনৰ বিনিময়ত আমেৰিকাৰ আগত সদৰি কৰাৰ অভিযোগতে মৃত্যুদণ্ড দিয়া হয় মহমুদ মুছাবী মাজিদক । যাৰ বাবে সোমবাৰে ইৰাণৰ ৰাষ্ট্ৰীয় সংবাদ মাধ্যমে মাজিদক মৃত্যুদণ্ড দিয়া হ'ব বুলি ঘোষণা কৰে । কিন্তু মাজিদক কেতিয়া মৃত্য়ুদণ্ড দিয়া হ'ব সেয়া দিন তথা তাৰিখ উল্লেখ নকৰে ইৰাণ চৰকাৰে ।

উল্লেখ্য যে, ইৰাকৰ জনপ্ৰিয় জেনেৰেল কাছিম ছুলেমানীক বাগদাদ বিমানবন্দৰত সমীপৱৰ্তী অঞ্চলত নিজৰ গাড়ীৰে গৈ থকা সময়তে আমেৰিকাই ড্ৰোণৰ সহায়ত মাৰাণাস্ত্ৰ স্থাপন কৰি হত্যা কৰে । আৰু তাৰ পাচতে ইৰাণে আমেৰিকাৰ বিৰুদ্ধে প্ৰতিশোধ লোৱাৰ হুংকাৰ প্ৰদান কৰে ।

লগতে চাওকঃ পুৰুষৰ যৌন ৰোগে প্ৰভাৱ পেলাব পাৰে হৃদযন্ত্ৰত