স্পেইনত ৰাষ্ট্ৰসংঘৰ জলবায়ু পৰিৱৰ্তন সন্মিলন চি অ’ পি25

সোমবাৰে স্পেইনৰ মাদ্ৰিদত আনুষ্ঠানিকভাৱে ৰাষ্ট্ৰসংঘৰ জলবায়ু পৰিৱৰ্তন সন্মিলন চি অ’ পি25 আৰম্ভ হয় ৷ সন্মিলনখনে জলবায়ু পৰিৱৰ্তনক ৰোধ কৰাৰ প্ৰচেষ্টাই ব্যৰ্থতাৰ দুৱাৰত আহি উপস্থিত হোৱাৰ বাবেই অনুষ্ঠিত কাৰ হয় ৷ সন্মিলখনৰ মুখ্য উদ্দেশ্য হ’ল পেৰিচ চুক্তিৰ 6 নম্বৰ অনুচ্ছেদৰ বিষয়ে আলোচনা কৰা ৷

ইন্টাৰনেশ্যনেল ডেক্স, 3 ডিচেম্বৰঃসোমবাৰে স্পেইনৰ মাদ্ৰিদত আনুষ্ঠানিকভাৱে আৰম্ভ হয় ৰাষ্ট্ৰসংঘৰ জলবায়ু পৰিৱৰ্তন সন্মিলন চি অ’ পি25 ৷ উক্ত সন্মিলনখনত প্ৰতিনিধিসকলে 2015 চনৰ পেৰিচ চুক্তি বাস্তৱায়িত কৰাৰ বিষয়ে আলোচনা কৰে ৷ সন্মিলখনৰ মুখ্য উদ্দেশ্য হ’ল পেৰিচ চুক্তিৰ 6 নম্বৰ অনুচ্ছেদৰ বিষয়ে আলোচনা কৰা ৷ লগতে কাৰ্বন,নিৰ্গমণ ট্ৰেডিং স্কীম তথা অন্যান্য বজাৰ পদ্ধতিত মূল্য প্ৰদান কৰি স্বেচ্ছাসেৱী আন্তৰ্জাতিক সহযোগিতাৰ প্ৰচাৰৰ পদক্ষেপ গ্ৰহণ কৰা ৷

সন্মিলনখনে জলবায়ু পৰিৱৰ্তনক প্ৰশমিত কৰাৰ প্ৰচেষ্টাই ব্যৰ্থতাৰ দুৱাৰত আহি উপস্থিত হোৱাৰ বাবেই অনুষ্ঠিত কৰা হয় ৷ নিৰ্গমণ ব্যৱধানৰ ওপৰত ৰাষ্ট্ৰসংঘৰ জলবায়ু সংস্থাই বিগত সপ্তাহত প্ৰকাশ কৰা এক প্ৰতিবেদন অনুসৰি দেশসমূহে সন্মিলিতভাৱেই বিশ্বব্যাপী সেউজ গৃহ গেছৰ নিৰ্গমণৰ বৃদ্ধি ৰোধ কৰাত ব্যৰ্থ হৈছে ৷ ইয়াৰ অৰ্থ এইয়ে যে, এতিয়া এই সমস্যাৰ গভীৰ তথা দ্ৰুত সমাধানৰ প্ৰয়োজন ৷

উক্ত অনুষ্ঠানৰ উদ্বোধনী অনুষ্ঠানটো জলবায়ু পৰিৱৰ্তন সম্পৰ্কীয় আন্তৰাষ্ট্ৰীয় পেনেল (আইৰ পি চি চি)ৰ চেয়াৰমেন হুনছুং লিৰ এটি সতৰ্কমূলক বাক্যৰে আৰম্ভ হয় ৷ তেখেতে কয় যে, "আমি যদি এনেদৰেই চলি থাকো তেন্তে আমি গ্ৰহটোৰ তাপমাত্ৰা বৃদ্ধিৰ দিশে আৰু অধিক অগ্ৰসৰ হ'ম, যি মানৱতাৰ প্ৰতি তথা গ্ৰহটোত আমাৰ অস্তিত্বৰ বাবে ভয়ংকৰ পৰিণতিস্বৰূপ হৈ পৰিব ৷"

ৰাষ্ট্ৰসংঘৰ মহাসচিব এন্টনিঅ’ গুটেৰেচেকয় যে, বিশ্বক জলবায়ু পৰিৱৰ্তনৰ বিৰূদ্ধে যুদ্ধ জয়ৰ বাবে সংহতি আৰু নমনীয়তাৰ প্ৰয়োজন ৷ উল্লখ্য যে, উক্ত সন্মিলনখন চিলিৰ পিছত এইবাৰ স্পেইনত অনুষ্ঠিত কৰা হয় ৷ সন্মিলনখনত সভাপতিত্ব কৰে চিলিৰ পৰিৱেশ মন্ত্ৰী কেৰ’লিনা স্মিথে ৷

লগতে পঢ়ক- বিক্ৰম লেণ্ডাৰৰ ধংসাৱশেষৰ সম্ভেদ পাইছে নাছাই