নেচনেল ডেস্ক, 28 ডিচেম্বৰ: ক'ৰণা অতিমাৰী বৰ্তমানেও এক ভংগুৰ অৱস্থাত থকাৰ পৰিপ্ৰেক্ষিতত ইউৰোপিয়ান আয়োগৰ অধ্যক্ষ উৰছুলা ভন ডাৰ লেয়েনে কয় যে ইউৰোপিয়ান সংঘত শীঘ্ৰে প্ৰতি গৰাকী নাগৰিকৰ বাবে পৰ্যাপ্ত পৰিমাণে ক'ভিড প্ৰতিষেধক উপলব্ধ হ'ব ৷ এতিয়ালৈকে ইউৰোপিয়ান সংঘই কেৱল Pfizer নামৰ ক'ভিড প্ৰতিষেধক বিধহে ব্যৱহাৰৰ বাবে অনুমোদন জনাইছে ৷ দেওবাৰে আয়োগৰ অধ্যক্ষ উৰছুলা ভন ডাৰ লেয়েনে এই কথা জানিবলৈ দিয়ে ৷
এক টুইটযোগে উৰছুলা ভন ডাৰে কয়,"আজি প্ৰথম ইউৰোপিয়ান সকলে ক'ভিড-19 প্ৰতিষেধক গ্ৰহণ কৰিছে ৷ ইউৰোপত সকলোৱে এনেকৈ প্ৰতিষেধক লোৱা প্ৰত্যক্ষ কৰি মই আনন্দিত হৈ উঠিছো৷ মাদ্ৰিদ ৰ পৰা পেৰিচ,এথেন্সৰ পৰা ৰিগলৈ প্ৰথমে আমি অধিক অসুৰক্ষিত সকলক প্ৰতিষেধক দিবলৈ চেষ্টা কৰিম ৷ অতি শীঘ্ৰে আমি সকলোৰে বাবে প্ৰতিষেধক উপলব্ধ কৰিম ৷"