মহাকাশ অভিযান সামৰি উভটিল তিনি মহাকাশচাৰী

মহাকাশ অভিযান সামৰি পৃথিৱীলৈ 3 জনকৈ মহাকাশচাৰী ৷ কানাডা, ৰাছিয়া আৰু আমেৰিকাৰ মহাকাশচাৰী কেইজনে 204 দিন মহাকাশত কটাই উভটি আহিছে ৷

নিউজ ডেস্ক, 25 জুন : 204 টাকৈ দিন মহাকাশত কটোৱাৰ পাছত মঙলবাৰে সুকলমে পৃথিৱীলৈ ঘূৰি আহিল 3 জন মহাকাশচাৰী ৷ কানাডা, ৰাছিয়া আৰু আমেৰিকাৰ 3 জনকৈ মহাকাশচাৰী কঢ়িয়াই নিয়া ছয়ুজ মহাকাশযান খনে পুৱা 8:47 বজাত ভূ - পৃষ্ঠত অৱতৰণ কৰে ৷ 6 মাহতকৈ বেছি দিন মহাকাশত কটোৱাৰ পাছত 3 ঘন্টাৰ যাত্ৰাৰ অন্তত দলটোৱে কাজাখস্তানৰ ভূমিত অৱতৰণ কৰে ৷

এই মহাকাশচাৰী সকলৰ ভিতৰত আমেৰিকাৰ এন মেকক্লেইন আৰু কানাডাৰ ডেভিদ ছেইন্ট জেকছে প্ৰথমবাৰৰ বাবে মহাকাশ ভ্ৰমণ কৰাৰ উপৰি ৰাছিয়াৰ অ'লেগ কন'নেনকোয়ে চতুৰ্থ বাৰৰ বাবে ভ্ৰমণ কৰে ৷