ইন্টাৰনেশ্যনেল ডেস্ক, 26 ছেপ্তেম্বৰ :ইউক্ৰেইনৰ খাৰকিভ অঞ্চলত সংঘটিত সামৰিক বাহিনীৰ বিমান দুৰ্ঘটনাত প্ৰাণ হেৰুৱাইছে 25 গৰাকীয়ে ৷ এক স্থানীয় বাতৰিকাকত অনুসৰি, ইঞ্জিন বিকল হৈ পৰা বাবে এই বিমান দুৰ্ঘটনা সংঘটিত হয় ৷ বিমানখনত 28 জন লোক আছিল আৰু ইয়াৰে 21 জন সেনা জোৱান হোৱাৰ বিপৰীতে 7 জন বিমানৰ সদস্য আছিল ৷
ইউক্ৰেইনত সামৰিক বাহিনীৰ বিমান দুৰ্ঘটনাত নিহত 25
শেহতীয়া তথ্য অনুসৰি, 25 গৰাকী লোকৰ মৃত্যু হোৱাৰ বিপৰীতে 2 জন গুৰুতৰভাৱে আঘাতপ্ৰাপ্ত হৈছে ৷ 30 বৰ্ষীয় বিমানখনৰ কমাণ্ডাৰগৰাকীও এই দুৰ্ঘটনাত প্ৰাণ হেৰুৱাইছে ৷ আকাশত উৰণৰ সময়তে কমাণ্ডাৰগৰাকীয়ে বিমানৰ ইঞ্জিন বিকল হোৱা বুলি জানিবলৈ দিছিল ৷
লগতে পঢ়ক :বিশ্বৰ দীঘলীয়া ৰাষ্ট্ৰীয় ঘাইপথ সুৰংগটো মুকলিৰ দিশে ভাৰত