শ্লোভাকৰ বিদ্যালয়ত আক্ৰমণত নিহত ২, নিহত দুস্কৃতিকাৰী

উত্তৰ-পশ্চিম শ্লোভাকিয়াৰ ভ্ৰুটকি চহৰৰ ইউনাইটেড বিদ্যালয়ত দুস্কৃতিকাৰীৰ আক্ৰমণ । বিদ্যালয়খৰ এগৰাকী ২২ বছৰীয়া প্ৰাক্তন ছাত্ৰই চোকা অস্ত্ৰৰে আক্ৰমণ কৰে । ফলত বিদ্যালয়খনৰ এজন ব্যক্তিৰ মৃত্যু হোৱাৰ উপৰিও আহত হয় আন পাঁচজন ।

নিউজ ডেস্ক, ১২ জুনঃ বৃহস্পতিবাৰে শ্লোভাকিয়াৰ এখন বিদ্যালয়ত আক্ৰমণ কৰে দুস্কৃতিকাৰীয়ে । যাৰ ফলত বিদ্যালয়খনৰ এজন ব্যক্তিৰ মৃত্যু হোৱাৰ লগতে গুৰুতৰভাৱে আহত হয় আন পাঁচজন । লগতে আৰক্ষীৰ আক্ৰমণত নিহত হয় বিদ্যালয়ত আক্ৰমণ কৰা দুস্কৃতিকাৰীৰ ।

বৃহস্পতিবাৰে উত্তৰ-পশ্চিম শ্লোভাকিয়াৰ ভ্ৰুটকি চহৰৰ ইউনাইটেড বিদ্যালয়ত সংঘটিত হয় এই ঘটনা । আনহাতে, দুস্কৃতিকাৰীৰ আক্ৰমণত নিহত হোৱা ব্যক্তিজন বিদ্যালয়খনৰ পৰিচালক আছিল বুলি জানিবলৈ দিয়ে বিদ্যালয় কৰ্তৃপক্ষই ।

শ্লোভাকৰ বিদ্যালয়ত আক্ৰমণ, নিহত ২

আনহাতে, আৰক্ষীৰ ভাষ্য অনুসৰি বিদ্যালয়খনত আক্ৰমণ কৰা ব্যক্তিজন মাৰ্টিন চহৰৰ তথা বিদ্যালয়খনৰ প্ৰাক্তন ছাত্ৰ বুলি সদৰি কৰে ।

তাৰোপৰি ঘটনা সন্দৰ্ভত শ্লোভাকৰ ৰাষ্ট্ৰপতি জুজানা কেপটোভাৰ কয়, "মই ঘটনা সন্দৰ্ভত দুখ প্ৰকাশ কৰিছো । লগতে মৃতকক শ্ৰদ্ধাঞ্জলি জ্ঞাপন কৰাৰ লগতে পৰিয়াললৈ সমবেদনা জ্ঞাপন কৰিছো । লগতে আহতসকলক আৰ্থিকভাৱে সহায় আগবঢ়োৱা হ'ব ৷"