পঞ্জশিৰ দিশে তালিবানৰ অগ্ৰগতি

কাবুল দখলৰ পাচতে পঞ্জশিৰ(Panjshir) দিশে অগ্ৰগতি লাভ কৰিছে তালিবানে ৷ পঞ্জশিৰৰ চুতুল জিলাত তালিবান আৰু বিৰোধীৰ মাজত বৃহস্পতিবাৰে এই সংঘৰ্ষ আৰম্ভ হয় ৷ দুয়োপক্ষৰ মাজত চুক্তি তৈয়াৰৰ বাবে চলোৱা ৰাজনৈতিক প্ৰচেষ্টা বিফল হোৱাৰ বাবেই সংঘটিত হৈছে এই সংঘৰ্ষ ৷

ইণ্টাৰনেশ্যনেল ডেস্ক, 3 ছেপ্তেম্বৰ :আফগানিস্তানৰ ৰাজধানী কাবুল দখলৰ পাচতে এইবাৰ তালিবানে পঞ্জশিৰ(Panjshir) দিশে অগ্ৰগতি লাভ কৰিছে ৷ চুতুল জিলা(Shutul district)ৰ কেন্দ্ৰৰ লগতে বিৰোধী বাহিনীৰ দখলত থকা 11টা আউটপ'ষ্ট দখল কৰি পঞ্জশিৰ(Panjshir) দিশে তালিবানে অগ্ৰগতি লাভ কৰিছে ৷ তালিবানৰ সাংস্কৃতিক আয়োগ(Taliban's cultural commission)ৰ এজন সদস্য ইনামুল্লা চামংগনী(Inamullah Samangani)এ সংঘৰ্ষত বিৰোধী বাহিনীৰ ৩৪ জন সদস্য নিহত হৈছে বুলি সদৰী কৰিছে ৷

অনলাইনযোগে এটা ভিডিঅ' শ্বেয়াৰ কৰি তালিবানে তেওঁলোকৰ বাহিনী চুটুল জিলাত আগবাঢ়িছে বুলি সদৰী কৰিছিল ৷ ইফালে নিশাৰ অভিযানৰ লগতে ৰাতিপুৱাৰ অভিযানত বিপৰীত দিশত যথেষ্ট ক্ষতিসাধন হৈছে বুলি তালিবানে দাবী কৰাৰ পৰিৱৰ্তে আহমাদ মাছুদ(Ahmad Massoud)ৰ অনুগত বাহিনীয়ে তালিবানৰ এই দাবী অস্বীকাৰ কৰিছে ৷ তেওঁলোকৰ মতে পঞ্জশিৰৰ চুতুল জিলাত সংঘটিত সংঘৰ্ষত তালিবানৰো যথেষ্ট লোক হতাহত হৈছে ৷

লগতে পঢ়ক :Evacuation Failed : আফগানিস্তানৰ পৰা হাইজেক হ’ল বহি: ৰাষ্ট্ৰৰ বিমান

বিৰোধীৰ এজন মুখপাত্ৰ ফাহিম দস্তী(Fahim Dashti)য়ে জানিবলৈ দিয়া মতে, বিগত চাৰি দিনত ৩৫০ জন তালিবান যুঁজাৰু সংঘৰ্ষত নিহত হৈছিল আৰু কমেও ২৯০ জন আহত হৈছিল ৷ নিশা তালিবানে জাবল চিৰাজ পৰ্বতমালা(Jabal Siraj mountains)ৰ মাজেৰে চুটুল জিলাত প্ৰৱেশ কৰিবলৈ বহু চেষ্টা কৰিছিল যদিও তেওঁলোকৰ প্ৰচেষ্টা বিফল হৈছিল বুলি দস্তীয়ে সদৰী কৰে ৷ যুদ্ধক্ষেত্ৰৰ পৰা তালিবানে তেওঁলোকৰ সহযোগীসকলৰ ৪০ টা মৃতদেহ লৈ গৈছিল বুলিও দস্তীয়ে দাবী কৰে ৷

লগতে পঢ়ক :আৰ্হি সলনি হ'লেও স্থিতি একেই; আফগানিস্তানত পুনৰ ৰাজহুৱাভাৱে নিষিদ্ধ হ'ব সংগীত

দুয়োপক্ষৰ মাজত চুক্তি তৈয়াৰৰ বাবে চলোৱা ৰাজনৈতিক প্ৰচেষ্টা বিফল হোৱাৰ বাবেই এই সংঘৰ্ষ সংঘটিত হৈছে বুলি জানিব পৰা গৈছে ৷ এনে সংঘৰ্ষৰ ফলত কোনো পক্ষই লাভান্বিত নহ'ব বুলি এই সন্দৰ্ভত এজন বিশ্লেষকে মন্তব্য কৰিছে ৷ তালিবান আৰু মাছুদ নেতৃত্বাধীন বাহিনীৰ মাজত পুনৰ আলোচনা আৰম্ভ কৰাৰ প্ৰযোজনীয়তা আছে বুলিও বিশ্লেষকগৰাকীয়ে মত পোষণ কৰে ৷

প্ৰাপ্ত তথ্য অনুসৰি, পঞ্জশিৰ প্ৰদেশৰ প্ৰৱেশদ্বাৰ(entrance gate of Panjshir province) গুলবাহাৰ(Gulbahar)ত তালিবান আৰু বিৰোধীৰ মাজত বৃহস্পতিবাৰে সংঘৰ্ষ আৰম্ভ হয় ৷ সংঘৰ্ষত দুয়োটা পক্ষই গধুৰ আৰু পাতল দুয়োবিধ অস্ত্ৰ ব্যৱহাৰ কৰিছিল ৷ দুয়োপক্ষই পৰস্পৰ বিৰুদ্ধে প্ৰথমে সংঘৰ্ষ আৰম্ভ কৰাৰ অভিযোগ উত্থাপন কৰিছে ৷

লগতে পঢ়ক :IS-Kৰ তালিবান আৰু হাক্কানি নেটৱৰ্কৰ সৈতে আছে সম্পৰ্ক: আমৰুল্লাহ চালেহ