নিউজ ডেস্ক, ১৬ জুনঃ বিশ্বত্ৰাসকাৰী কৰ'ণা ভাইৰাছ কেনেদৰে প্ৰতিৰোধ তথা বিশ্বকাপৰ ষ্টেডিয়াম কৰ'ণা মুক্ত কৰি ৰখা সন্দৰ্ভত ইংলিছ প্ৰীমিয়াৰ লীগ আৰু বুণ্ডেছলীগৰ সৈতে কথা-বাৰ্তা চলি আছে বুলি মত প্ৰকাশ কৰে কাটাৰৰ মুখ্য আয়োজকে । সোমবাৰে কাটাৰ ২০২২ বিশ্বকাপৰ তৃতীয়খন ষ্টেডিয়ামৰ উদ্বোধনী অনুষ্ঠানত এই কথা সদৰি কৰে আয়োজক গৰাকীয়ে ।
তাৰোপৰি কাটাৰৰ আয়োজক সিমিতিৰ মহাসচিব অল থবাডীয়ে কয় যে,এই সংকটৰ সময়ছোৱাৰ পৰা আমি ইজনে-সিজনৰ পৰা শিকাৰ সময় । আমাৰ কাৰণে এইটো গুৰুত্বপূৰ্ণ যে আমাৰ হাতত কাটাৰ ২০২২ বিশ্বকাপলৈ এতিয়াও দুবছৰ সময় আছে । আমি এতিয়া বেগেল অনুষ্ঠান তথা লোকসকৰ পৰা এয়া শিকিব লাগিব যে COVID-19ৰ ভেকচিন নোলোৱা পৰ্যন্ত সংস্থান সমূহে কেনেদৰে অনুষ্ঠান সমূহ তথা বিভিন্ন ধৰণৰ খেল আয়োজন কৰে ।