আন্তঃৰাষ্ট্ৰীয় ডেস্ক, 5 ছেপ্তেম্বৰঃ ভাৰতৰ প্ৰধানমন্ত্ৰী নৰেন্দ্ৰ মোডীক আঞ্চলিক সমন্বিত অর্থনৈতিক অংশীদাৰিত্ব (RCEP) বাবে ভাৰতক এছিয়াৰ অৰ্থনৈতিক ক্ষেত্ৰত মুখ্য ভূমিকা পালনৰ ক্ষেত্ৰত এক উপযুক্ত পদক্ষেপ লোৱাৰ আহ্বান ছিংগাপুৰৰ উক্ত দুই ব্যৱসায়িক নেতাৰ ৷ এই সন্দৰ্ভত অহা নৱেম্বৰ মাহত এক চুক্তি স্বাক্ষৰ কৰাৰ ওপৰতো আশা প্ৰকাশ কৰা হৈছে ৷
এক সাক্ষাৎকাৰত পাণ্ডেয়ে কয়, এক বিপুল জনসমৰ্থনেৰে জয় লাভ কৰা নৰেন্দ্ৰ মোডী সদায় নিজৰ উদ্যম পদক্ষেপৰ বাবে জনাজাত ৷ ইয়াৰ এক বিশেষ উদাহৰণ হৈছে ‘লুক ইষ্ট নীতি’ৰ বিপৰীতে ‘এক্ট ইষ্ট নীতি’ ৷
16 খন দেশৰ সদ্যস্যৰ আঞ্চলিক সমন্বিত অর্থনৈতিক অংশীদাৰিত্বৰ মূল উদ্দেশ্য হৈছে সামগ্ৰী, সেৱা, বিনিয়োগ, আৰ্থিক আৰু কাৰিকৰী আদি ক্ষেত্ৰত সহায়-সহযোগিতা কৰা ৷ এছিয়াৰ 10 খন দেশ ব্ৰুনেই, কম্বোদিয়া, ইণ্ডোনেছিয়া, লাওছ, মালয়েছিয়া, ম্যানমাৰ, দ্য ফিলিপাইনছ, ছিংগাপুৰ, থাইলেণ্ড আৰু ভিয়েটনাম থকাৰ লগতে ছয়খন স্বতন্ত্ৰ ব্যৱসায়িক অংশীদাৰিত্ব দেশ হৈছে অষ্ট্ৰেলিয়া, চীন, ভাৰত, জাপান, কোৰিয়া, নিউজিলেণ্ড ৷ এই চলিত বৰ্ষৰ মাৰ্চত সকলো সমস্যা সমূহ আঁতৰ কৰাৰ ক্ষেত্ৰত ভাৰত-চীনকে ধৰি এই গ্ৰুপৰ দেশ সমূহৰ মাজত এক মেগা-ট্ৰেড চুক্তি স্বাক্ষৰ কৰা হৈছিল ৷
উল্লেখ্য যে, 1991 চনত ভাৰতে অৰ্থনৈতিক ব্যৱস্থাক গতি দিয়াৰ বাবে বিদেশৰ সকলো লোকৰ বাবে অৰ্থব্যৱস্থা মুকুলি কৰাৰ লগতে বিশ্ব বাণিজ্য সংন্থাৰ সৈতে স্বাক্ষৰ কৰিছিল ৷ যাৰ পৰিণতিত তিনি দশকত অৰ্থব্যৱস্থাত যথেষ্ট অগ্ৰগতি দেখা পোৱা গৈছিল ৷
দুয়ো দেশৰ ব্যৱসায়িক নেতা দুজনে উল্লখ কৰে যে, ষ্টীল আদি দৰে চেক্টৰত নতুনকৈ ব্যৱসায় দিশত ক্ষীপ্ৰ গতিত আগবাঢ়িবলৈ চীনৰ সৈতে আলোচনা কৰাৰ দৰকাৰ ভাৰতক ৷ অৱশ্যে এই ক্ষেত্ৰত থকা প্ৰতিবন্ধক সমূহ আঁতৰোৱাৰ ক্ষেত্ৰত ৰাজনৈতিক হস্তক্ষেপৰ প্ৰয়োজন আছে বুলি উল্লেখ কৰে এই দুই নেতাই ৷ অৱশ্যে আঞ্চলিক সমন্বিত অর্থনৈতিক অংশীদাৰিত্ব অবিহনে অৰ্থনৈতিক ক্ষেত্ৰত তীব্ৰ গতিত আগবাঢ়ি যোৱা এছিয়াৰ বাকী দেশ সমূহৰ সৈতে ভাৰতৰ ঐকিকৰণ আধৰুৱা হৈ ৰব বুলি উল্লেখ কৰে ৷ আনহাতেআঞ্চলিক সমন্বিত অর্থনৈতিক অংশীদাৰিত্ব বিফলতা ভাৰতৰ বাবে এটা প্ৰজন্মই সুবিধাৰ পৰা বঞ্চিত হোৱাতকৈও তাতোকৈ বেছি হেৰুৱাব লাগিব বুলি এক সতৰ্কবাণী উল্লেখ কৰে ৷
