ইন্টাৰনেশ্যনেল ডেস্ক,18 নৱেম্বৰঃ ক‘ভিড 19ৰ ভেকচিন ক্ৰয়ৰ বাবে আগতিয়াকৈ 100 মিলিয়ন ডলাৰ আবন্টনৰ অনুমতি প্ৰদান কৰিছে পাকিস্তানৰ মুখ্যমন্ত্ৰী ইমৰান খানে ৷ ডিৱান নিউজত প্ৰকাশিত এক বাতৰি অনুসৰি শীতৰ এই সময়ছোৱাত এক সীমিত পৰিমাণত উপলব্ধ হ’বলগীয়া এই ভেকচিন প্ৰদানৰ ক্ষেত্ৰত জ্যেষ্ঠ নাগৰিক, চিকিৎসা কৰ্মী আৰু পুৰণি ৰোগী সকলক অগ্ৰাধিকাৰ দিয়া হ’ব ৷
হেল্থ চাৰ্ভিচ একাডেমীৰ উপাধ্যক্ষ ডাঃ অচদ হাফিজে কয়,‘কোনো কোম্পানীয়ে এই পৰ্যন্ত ক’ভিড 19ৰ ভেকচিনৰ মূল্য ঘোষণা কৰা নাই ৷ মুঠৰ ওপৰত কোনো কোম্পানীয়ে এই ভেকচিন বিক্ৰী কৰাৰ অনুমোদন লাভ কৰা নাই যিহেতু ইয়াৰ ক্লিনিকেল ট্ৰায়েল ডাটা সীমিত ৷ পিফিজাৰ আৰু বায়’টেকে তেঁওলোকৰ ভেকচিন সমূহৰ তৃতীয় পৰ্যায়ৰ ক্লিনিকেল ট্ৰায়েল চলি থকা বুলি ঘোষণা কৰিছে যি এই ৰোগবিধ প্ৰতিৰোধ কৰাৰ ক্ষেত্ৰত 90 শতাংশই কাৰ্যকৰ ৷ কিন্তু তেঁওলোকে সম্প্ৰতি ডাটা সংকলনৰ প্ৰক্ৰিয়াত আছে ৷ এই ডাটা সংকলন প্ৰক্ৰিয়া সম্পন্ন হ’লেই তেঁওলোকে ইয়াক United States Food and Drugs Authority আৰু European Unionৰ একে বিভাগলৈ প্ৰেৰণ কৰিব ৷ অথাৎ ইয়াৰ বাবে আৰু 4 সপ্তাহৰ প্ৰয়োজন হ’ব ৷’