ডোনাল্ড ট্ৰাম্প আৰু ইমৰাণ খানৰ মাজৰ বৈঠকত স্থান নাপালে কাশ্মীৰ সমস্যাই

দাবোচত ডোনাল্ড ট্ৰাম্প আৰু ইমৰাণ খানৰ মাজত বৈঠক সম্পন্ন ৷ বৈঠকত কেৱল আফগানিস্তানত তালিবান বিষয়ক তথা আঞ্চলিক বিষয় কিছুমানৰ সন্দৰ্ভত আলোচনা হয় ৷

ইন্টাৰনেশ্যনেল ডেস্ক, 22 জানুৱাৰীঃমাৰ্কিন ৰাষ্ট্ৰপতি ড’নাল্ড ট্ৰাম্পে উল্লেখ কৰে যে কাশ্মীৰ সম্পৰ্কত তেওঁ পাকিস্তানৰ প্ৰধানমন্ত্ৰীৰ লগতে আলোচনা কৰি আছে ৷ কিন্তু আমেৰিকাৰ চৰকাৰী পাঠপত্ৰত এই বিষয়ে একো উল্লেখ নাই ৷

মঙলবাৰে ডাভোচত হোৱা এক বৈঠকত কেৱল আফগানিস্তানত তালিবান বিষয়ক তথা আঞ্চলিক বিষয় কিছুমানৰ সন্দৰ্ভতহে আলোচনা হয় ৷ হোৱাইট হাউচৰ এখন প্ৰতিলেখন অনুসৰি এই বৈঠকত প্ৰথমতে ট্ৰাম্পে কয় যে ‘আমি কাশ্মীৰ সম্পৰ্কত পাকিস্তান আৰু ভাৰতৰ সম্বন্ধৰ বিষয়ে আলোচনা কৰা হৈ আছে ৷ লগতে কয় যে যদি কিবা এই ক্ষেত্ৰত সহায় কৰিব পাৰো তেন্তে নিশ্চয় কৰিবলৈ সাজু আমেৰিকা’ ৷

ট্ৰাম্পে পূৰ্বৰ তুলনাত কাশ্মীৰ সন্দৰ্ভত কিছু চালি-জাৰি চাইহে নিজৰ মতামত ব্যক্ত কৰে ৷ লগতে এই ক্ষেত্ৰত প্ৰয়োজন হ’লে সহযোগ আগবঢ়াব বুলিও উল্লেখ কৰে ৷ ট্ৰাম্পে জুলাইত এত ৰাজনৈতিক অস্থিৰতাৰ সৃষ্টি কৰিছিল ৷ তেওঁ ৱাশ্বিংটনত ইমৰাণ খানৰ সৈতে বৈঠকৰ আগমুহূৰ্তত দাবী কৰিছিল যে ভাৰতৰ প্ৰধানমন্ত্ৰী নৰেন্দ্ৰ মোডীয়ে তেওঁক এই সম্পৰ্কত মধ্যস্থতাকাৰীৰ ভূমিকা পালন কৰিবলৈ ৷ লগতে তেওঁ উল্লেখ কৰে যে জি-20 সন্মিলনৰ সময়ত মোডীয়ে এই আহ্বন জনাইছিল ৷

আনহাতে দাবোচত পাক প্ৰধানমন্ত্ৰীৰে হোৱা বৈঠকত ট্ৰাম্পে ভাৰতৰ সৈতে পাকিস্তানৰ বিবাদ মিমাংসা কৰিবলৈ অনুৰোধ জনাইছিল বুলি উল্লেখ কৰে ৷ লগতে তেওঁ কয় যে এই দুই দেশৰ সম্পৰ্কৰ ক্ষেত্ৰত ভূমিকা পালন কৰিব পৰা দেশ কেৱল আমেৰিকাই আছে গতিকে পাৰ্যমানে এই ক্ষেত্ৰত সহযোগিতা আগবঢ়াব বুলি উল্লেখ কৰে ৷

আনহাতে ট্ৰাম্প আৰু ইমৰাণ খানৰ মাজৰ বৈঠকৰ মূল বিষয় কিন্তু আফগানিস্তান সম্পৰ্কত আছিল ৷ তালিবানৰ লগতে বুজাবুজিয়েই এই বৈঠকৰ মূল বিষয়বস্তু আছিল ৷

আৰু পঢ়কঃইৰাণ আমেৰিকাৰ মাজত অচলাৱস্থাঃ তীক্ষ্ণ কূটনীতিয়ে বৃহৎ সংকটৰ পৰা ৰক্ষা কৰিলে