পাকিস্তানত বন্দুক দেখুৱাই সাত বছৰীয়া নাবালিকা ধৰ্ষণ

পাকিস্তানত বন্দুক দেখুৱাই সাত বছৰীয়া নাবালিকা ধৰ্ষণ ৷ চিকিৎসালয়ত সংকটজনক অৱস্থাত চিকিৎসাধীন হৈ আছে নাবালিকাগৰাকী ।

পাকিস্তান, ২২ নৱেম্বৰঃ পাকিস্তানৰ লাহোৰৰ নৱাব টাউন অঞ্চলত শনিবাৰে এগৰাকী ব্যৱসায়ীয়ে বন্দুক দেখুৱাই এগৰাকী সাত বছৰীয়া নাবালিকাক ধৰ্ষণ কৰাৰ অভিযোগ উত্থাপিত হৈছে ৷ বৰ্তমান চিকিৎসালয়ত সংকটজনক অৱস্থাত চিকিৎসাধীন হৈ আছে ধৰ্ষিতা নাবালিকাগৰাকী । নাবালিকাগৰাকীৰ পিতৃৰ অভিযোগৰ ভিত্তিত আৰক্ষীয়ে ইতিমধ্যে আটক কৰিছে 35 বছৰীয়া ব্যক্তিগৰাকীক ৷ ভুক্তভোগী নাবালিকাগৰাকীয়ে ব্যৱসায়ীগৰাকীৰ দোকানত সামগ্ৰী ক্ৰয় কৰিবলৈ যোৱাৰ সময়তে লাজৰ কলনি নামৰ অঞ্চলটোত সংঘটিত হয় এই ঘটনা ।

আৰক্ষী থানাত ৰুজু কৰা গোচৰ অনুসৰি ব্যক্তিগৰাকীয়ে নাবালিকাগৰাকীক দোকানৰ ভিতৰত ধৰ্ষণ কৰি সংকটজনক অৱস্থাত এৰি সেই ঠাইৰ পৰা পলায়ন কৰে । পৰৱৰ্তী সময়ত নাবালিকাগৰাকীৰ পিতৃয়ে এই বিষয়ে জানিব পাৰি কন্যাক উদ্ধাৰ কৰি চিকিৎসালয়ত ভৰ্তি কৰে । আৰক্ষীয়ে এই খবৰ লাভ কৰাৰ পিছতে অভিযান চলাই আটক কৰে ব্যক্তিজনক ।

লগতে পঢ়ক:আছুৰ নৱ নিৰ্বাচিত কাৰ্যালয় সম্পাদকে কি ক’লে ইটিভি ভাৰতক...