বেয়া দিন আহি আছে নেকি ইমৰাণ খানৰ !

দেশখনত ইজনৰ পিচত সিজন নেতাই উত্থাপন কৰিছে ইমৰাণ খানৰ পদত্যাগৰ দাবী

ইছলামাবাদ, 8 জুলাইঃ ক্ৰীড়াজগতৰ পৰা ৰাজনৈতিক জীৱনলৈ ঢাপলি মেলা নেতা তথা পাকিস্তানৰ প্ৰধানমন্ত্ৰী ইমৰাণ খানক সমালোচনা কৰাৰ লগতে পদত্যাগৰ দাবী উত্থাপন কৰে পাকিস্তানৰ প্ৰাক্তন প্ৰধানমন্ত্ৰী নৱাজ শ্বৰীফৰ জীয়ৰী মৰিয়ম নৱাজে ৷

ক্ৰীড়া জগতৰ অভিজ্ঞতা থকা ইমৰাণ খানৰ দেশ এখন শাসন কৰিবলৈ বৈধ অধিকাৰ নাই বুলি উল্লেখ কৰি তেওঁৰ পদত্যাগ দাবী উত্থাপন কৰে মৰিয়ম নৱাজে ৷

উল্লেখ্য যে, ক্ৰমাৎ উত্তাল হৈ পৰিছে পাকিস্তানৰ ৰাজনৈতিক জগত ৷ ইয়াৰ পূৰ্বে পাকিস্তানৰ প্ৰাক্তন ৰাষ্ট্ৰপতি আছিল আলী জাৰ্দাৰীক দেশখনৰ দুৰ্নীতি নিবাৰক শাখাই গ্ৰেপ্তাৰ কৰিছিল ৷ ১৫০ মিলিয়ন টকাৰ এক লেনদেনত নকল টকা ব্যৱহাৰ কৰাৰ অভিযোগত গ্ৰেপ্তাৰ কৰা হয় প্ৰাক্তন ৰাষ্ট্ৰপতিগৰাকীক ৷ পাকিস্তানৰ ২০০৮ চনৰ পৰা ২০১৩ চনৰলৈকে ১১ সংখ্যক ৰাষ্ট্ৰপতি আছিল জাৰ্দাৰী ৷