কাবুলৰ মছজিদ আক্ৰমণ: আইএছ সন্ত্ৰাসবাদী গোটৰ দায়িত্ব স্বীকাৰ

ঈদৰ দিনটোত সংঘটিত কাবুলৰ মছজিদ আক্ৰমণৰ দায়িত্ব স্বীকাৰ কৰিলে ইছলামিক ষ্টেট (আইএছ) সন্ত্ৰাসবাদী গোটে ৷ শুকুৰবাৰে সংঘটিত এই আক্ৰমণৰ ঘটনাত কমেও আহত হৈছিল প্ৰায় 15 গৰাকী লোক ৷

ইণ্টাৰনেচনেল ডেস্ক,17 মে':ইছলামিক ষ্টেট (আইএছ) সন্ত্ৰাসবাদী গোটে কাবুলৰ এটা মছজিদত সংঘটিত বিস্ফোৰণৰ দায়িত্ব স্বীকাৰ কৰিছে য'ত ইমামসহ কমেও ১২ জন লোক নিহত হৈছিল ৷

সন্ত্ৰাসবাদী গোটটোৰ প্ৰায়বিলাক বিভাগীয় প্ৰচাৰ প্ৰকাশ কৰা এটা সংবাদ সংস্থাৰ জৰিয়তে প্ৰকাশ কৰা এক বিবৃতিত মহম্মদ নুমান নামৰ এজন ইমামৰ বিৰুদ্ধে জেহাদীসকলৰ বিৰুদ্ধে যুঁজত উচতনি দিয়া বুলি অভিযোগ উত্থাপিত হৈছিল ৷ বিবৃতিটোত 'খিলাফতৰ সৈনিকসকলে' মছজিদত এটা বিস্ফোৰক সঁজুলি স্থাপন কৰিছিল বুলি উল্লেখ কৰা হৈছে ৷ অৱশ্যে এই পৰ্যন্ত বিবৃতিটোৰ সত্যতা স্বতন্ত্ৰভাৱে পৰীক্ষা কৰা হোৱা নাই ৷

আফগান সুৰক্ষা বিষয়াসকলে জানিবলৈ দিয়া মতে, শুকুৰবাৰে ৰমজান মাহৰ সমাপ্তি উপলক্ষে কাবুলৰ সকৰ দাৰা জিলাত আয়োজন কৰা ঈদ-ঊল-ফিতৰ উৎসৱৰ সময়ত হোৱা আক্ৰমণৰ ফলত প্ৰায় 15 গৰাকী লোক আহত হৈছিল ৷

প্ৰাপ্ত তথ্য অনুসৰি, ঈদৰ বন্ধৰ বাবে আফগান চৰকাৰ আৰু তালিবানে যুদ্ধবিৰতি পালন কৰাৰ বাবেই এই আক্ৰমণ সংঘটিত হয় ৷ অৱশ্যে শনিবাৰে মাজনিশা যুদ্ধ বিৰতিৰ সমাপ্তি হৈছিল ৷

লগতে পঢ়ক:কাবুলৰ বিদ্যালয়ত বিস্ফোৰণ: মৃতকৰ সংখ্যা 53 লৈ বৃদ্ধি