মুছলমানৰ সৈতে বৈষম্য হোৱা বুলি পাকিস্তানে কৰা অভিযোগ খণ্ডণ ভাৰতৰ

কৰ'ণা ভাইৰাছৰ পটভূমিৰ বাবে ভাৰতত মুছমানসকলক বৈষম্যমূলক ব্যৱহাৰ কৰা বুলি অভিযোগ উত্থাপন কৰিছিল পাকিস্তানৰ প্ৰধানমন্ত্ৰী ইমৰাণ খানে । এই অভিযোগৰ পাচতে ভাৰতীয় বৈদেশিক মন্ত্ৰণালয়ৰ মুখপাত্ৰই প্ৰত্যুত্তৰ দি কয় যে, পাকিস্তানৰ নিজা সমস্যা সমূহ ঢাকিবলৈ এনে "আজব টিপ্পনী" বোৰ দিছে ।

নিউজ ডেস্ক, 20 এপ্ৰিলঃভাৰতৰ বিৰুদ্ধে পাকিস্তানৰ প্ৰধানমন্ত্ৰীয়ে কৰা অভিযোগৰ যোগ্য প্ৰত্যুত্যৰ দি দেওবাৰে ভাৰতৰ বৈদেশিক পৰিক্ৰমা মন্ত্ৰণালয়ে অভিযোগ খণ্ডণ কৰে ।

ভাৰতীয় বৈদেশিক মন্ত্ৰণালয়ৰ মুখপাত্ৰ অনুৰাগ শ্ৰীৱাস্তৱে কয় যে,পাকিস্তানৰ নেতাই এই অভিযোগ কৰি এক ভুৱা আৰু"আজব টিপ্পনী" দিছে আৰু দেশখনৰ আভ্যন্তৰীণ সমস্যা সমাধান কৰিব নোৱাৰি জনতাৰ দৃষ্টি আঁতৰাবলৈ এই কাম কৰিছে ।

উল্লেখ্য যে,পাকিস্তানৰ প্ৰধান মন্ত্ৰী ইমৰাণ খানে ভাৰতৰ বিৰুদ্ধে এক অভিযোগ কৰি টুইটাৰত প্ৰকাশ কৰিছিল। খানৰ অভিযোগ আছিল যে,ভাৰতত কৰ'ণা ভাইৰাছৰ সংকট কালত মুছলমান সকলক বৈষম্য কৰা হৈছে ।

লগতে চাওকঃ জম্মু-কাশ্মীৰত আৰক্ষী জোৱানক গুলিয়াই হত্যা