নেশ্যনেল ডেস্ক, 3 মে':কৰ'ণা ভাইৰাছ মহামাৰীত সমগ্ৰ পৃথিৱীতে 34,84,176তকৈয়ো অধিক লোক আক্ৰান্ত হোৱাৰ লগতে 2,44,778 লোকে ইতিমধ্যে মৃত্যুক সাৱটি লৈছে । উল্লেখ্য যে, বৰ্তমানলৈ 11,21,524 গৰাকী লোক সুস্থ হৈ উঠিছে ।
ব্ৰিটেইনৰ স্বাস্থ্য বিভাগে প্ৰকাশ কৰা তথ্য অনুসৰি যুক্তৰাষ্ট্ৰত এই মহামাৰীৰ অৱস্থিতি পোৱাৰ পিচত মুঠ 28,131 লোকৰ মৃত্যু হৈছে । যি সংখ্যা পূৰ্বৰ তুলনাত বৰ্তমান 621 জনলৈ বৃদ্ধি পাইছে ।
আনহাতে তুৰ্কীৰ স্বাস্থ্যমন্ত্ৰীয়ে দেশখনত বিগত 24 ঘন্টাৰ ভিতৰত 78 গৰাকী কৰ'ণা আক্ৰান্ত লোকৰ মৃত্যু হোৱা বুলি ঘোষণা কৰিছে । দেশখনত বৰ্তমানলৈ 3,336 গৰাকী লোকে মৃত্যুক সাৱটি লৈছে ।