ভাৰতৰ সৈতে ব্যৱসায়িক সম্পৰ্ক বাহাল ৰাখিবলৈ চীনৰ আগ্ৰহ প্ৰকাশ

চীনৰ 43 টা এপ ব্যৱহাৰৰ ক্ষেত্ৰত ভাৰতে প্ৰতিবন্ধকতা আৰোপ কৰাৰ কিছুদিন পিছতে, বেইজিঙে ৰাজধানী দিল্লীত অনুষ্ঠিত এক বৈঠকত ভাৰতৰ সৈতে ব্যৱসায়িক চুক্তি স্বাক্ষৰ কৰাৰ বাবে আগ্ৰহ প্ৰকাশ কৰে ৷ ৰঙা চীনে কৌশলীপূৰ্ণভাৱে এই আগ্ৰহ প্ৰকাশ কৰিছে, কিয়নো জুন মাহৰ পৰা লাডাখত নিয়ন্ত্ৰণ ৰেখাৰ সমীপেৰে দুই দেশৰ যাতায়াত বন্ধ হৈ আছে ৷

নতুন দিল্লী,25 নৱেম্বৰ:ভাৰত চৰকাৰে 43 টাকৈ চীনা এপ্লিকেচন ব্যৱহাৰৰ ক্ষেত্ৰত জাৰি কৰা নিষেধাজ্ঞা জাৰি কৰাৰ পিছত চুবুৰীয়া ৰাষ্ট্ৰখনে ভাৰতৰ সৈতে দুয়ো দেশৰ লাভ হ’বলৈ ব্যৱসায়িক চুক্তি সম্পাদন কৰাৰ আগ্ৰহ প্ৰকাশ কৰে ৷ চীন আৰু ভাৰত পৰস্পৰে পৰোক্ষভাৱে শত্ৰু হিচাপে পৰিচিত যদিও চীনে ভাৰতৰ সৈতে ব্যৱসায়িক চুক্তি স্বাক্ষৰ কৰিবলৈ আগ্ৰহ প্ৰকাশ কৰিছে ৷ ইয়াৰ বাবে দ্বি-পাক্ষিক অৰ্থনৈতিক আৰু ব্যৱসায়িক চুক্তি স্বাক্ষৰিত কৰি হেৰুওৱা সম্পৰ্ক পুনৰ উদ্ধাৰ কৰাৰ বাবে আগ্ৰহ প্ৰকাশ কৰিছে ৷

চীনা দূতাবাসে অংশগ্ৰহণ কৰা উক্ত বৈঠকত দাবী উত্থাপন কৰে যে, চীনা চৰকাৰে সদায়ে বিদেশী কোম্পানীসমূহক আন্তঃৰাষ্ট্ৰীয় নিয়ম পালনৰ লগতে শৃংখলা আৰু নৈতিকতা বৰ্তাই ৰখাত গুৰুত্ব আৰোপ কৰি আহিছে ৷

এই প্ৰস্তাৱ এনে সময়ত আহিছে যি সময়ত বিগত জুন মাহৰ পৰা নিয়ন্ত্ৰণ ৰেখাৰ সমীপত লাডাখৰ সীমান্তৰে ভাৰত-চীনৰ মাজত যাতায়াত বন্ধ হৈ আছে ৷ সেয়ে এনে সময়ত এই প্ৰস্তাৱ অহাৰ প্ৰতি লক্ষ্য ৰাখি এয়া চীনৰ কূটনৈতিক কৌশল বুলি ধাৰণা কৰিব পাৰি ৷

লগতে চাওকঃএদিনত 1 লাখ কোভিড প্ৰতিষেধক দিবলৈ সাজু এপ’ল’ হাস্পতাল