সন্ত্ৰাসবাদী কাৰ্যকলাপ বন্ধ কৰিবলৈ পাকিস্তানক অক্টোবৰলৈ সময়সীমা

প্ৰাক্তন ৰাষ্ট্ৰদূত অ’ পি গুপ্তাই ই টি ভি ভাৰতৰ এক সাক্ষাৎকাৰত জানিবলৈ দিয়ে যে, নিজৰ স্বাৰ্থ সিদ্ধি কৰিবলৈ পাকিস্তানক ৰক্ষনাবেক্ষণ দি আহিছে চীনে  ৷ ৰঙা চীনে, নিজৰ ব্যৱসায়িক ক্ষতি হোৱাকৈ চীন-পাকিস্তানৰ ইক'নমিক কৰিড'ৰ ওপৰত সন্ত্ৰাসবাদী আক্ৰমণ হোৱাতো কোনো পৰিস্থিতিতে নিবিচাৰে যাৰ বাবে দেশখনে সন্ত্ৰাসবাদৰ বিৰুদ্ধে পাকিস্তানৰ ওপৰত কোনো হেঁচা প্ৰয়োগ কৰা নাই ৷

নিউজ ডেস্ক, 22 জুন: বন্ধু ৰাষ্ট্ৰ চীন, তুৰস্ক আৰু মালেচিয়াৰ সহায়ত ফাইনেঞ্চিয়েল এক্সন টাস্ক ফৰ্চৰ ব্লেক লিষ্টত অন্তৰ্ভুক্ত হোৱাৰ পৰা বিৰত আছে পাকিস্তান ৷ প্ৰাক্তন ৰাষ্ট্ৰদূত অ’ পি গুপ্তাই ই টি ভি ভাৰতৰ এক সাক্ষাৎকাৰত জানিবলৈ দিয়ে যে, নিজৰ স্বাৰ্থ সিদ্ধি কৰিবলৈ পাকিস্তানক ৰক্ষনাবেক্ষণ দি আহিছে চীনে ৷ ৰঙা চীনে, নিজৰ ব্যৱসায়িক ক্ষতি হোৱাকৈ চীন-পাকিস্তানৰ ইক'নমিক কৰিড'ৰ ওপৰত সন্ত্ৰাসবাদী আক্ৰমণ হোৱাতো কোনো পৰিস্থিতিতে নিবিচাৰে যাৰ বাবে দেশখনে সন্ত্ৰাসবাদৰ বিৰুদ্ধে পাকিস্তানৰ ওপৰত কোনো হেঁচা প্ৰয়োগ কৰা নাই ৷ তুৰস্ক আৰু মালেচিয়াৰ কথা উল্লেখ কৰি কয় যে, দুয়োখন দেশ ইছলামিক ৰাষ্ট্ৰ হোৱাৰ বাবে দেশখনৰ ওপৰত হেঁচা প্ৰয়োগ কৰা নাই ৷

ভাৰতৰ স্থিতিৰ শলাগ লৈ প্ৰাক্তন ৰাষ্ট্ৰদূত গৰাকীয়ে কয় যে, পাকিস্তানৰ ওপৰত সন্ত্ৰাসবাদী কাৰ্যকলাপ বন্ধ কৰিবলৈ হেঁচা প্ৰয়োগ নকৰিলে দেশখনে কেতিয়াও এই কাৰ্যসমূহ বন্ধ নকৰে ৷ ভাৰতৰ ফাইনেঞ্চিয়েল ইণ্টেলিজেঞ্চৰ গোটটোৱে হাফিজ চয়িডৰ ফালাহ-এ-ইনচানিয়ত ফাউণ্ডেচনৰ বিৰুদ্ধে সন্ত্ৰাসবাদী কাৰ্যকলাপৰ নতুন তথ্য আগবঢ়াই দেশখনক অক্টোবৰ 2019লৈ এই সকলো কাৰ্য বন্ধ কৰিবলৈ সময়সীমা বান্ধি দিছে ৷ এই কাৰ্যসমূহ বন্ধ নকৰিলে দেশখনক ফাইনেঞ্চিয়েল টাস্ক ফৰ্চৰ পৰা ব্লেক লিষ্ট কৰা হ’ব ৷

বন্ধুৰাষ্ট্ৰৰ সহায়ত ফাইনেঞ্চিয়েল এক্সন টাস্ক ফৰ্চৰ ব্লেক লিষ্টতত অন্তৰ্ভুক্ত হোৱাৰ পৰা বিৰত আছে পাকিস্তান ৷