ইন্টাৰনেশ্যনেল ডেস্ক, 13 জুন : বেইজিঙে বন্ধ কৰিলে চহৰৰ বৃহৎ পাইকাৰী খাদ্যৰ বজাৰ ৷ চহৰখনত নতুনকৈ সাতটা কৰ'ণা ভাইৰাছ আক্ৰান্তৰ ঘটনা পোহৰলৈ অহাৰ পাচতে শনিবাৰে বজাৰখন বন্ধ কৰি ৰখাৰ সিদ্ধান্ত গ্ৰহণ কৰা হয় ৷
বেইজিঙত বন্ধ হ'ল ফুড মাৰ্কেট
জিনফাদি বজাৰত কৰ্মৰত এজন লোকৰ দেহত কৰ'ণা ভাইৰাছৰ অৱস্থিতি লাভ কৰাৰ পাচতে 4000 লোকৰ পৰীক্ষণ কৰা হ'ব বুলি জানিবলৈ দিয়ে জিনহুৱা নিউজ এজেন্সীয়ে ৷
ৰাষ্ট্ৰীয় স্বাস্থ্য সংস্থাই কয় যে, শুকুৰবাৰে বেইজিঙত ছয়টা নতুন ঘটনা পোহৰলৈ আহিছে ৷ বৃহস্পতিবাৰে পোৱা গৈছিল এজন আক্ৰান্ত লোক ৷ প্ৰায় 50 দিনৰ ভিতৰত এয়া প্ৰথমটো স্থানীয়ভাৱে সংক্ৰমিত ঘটনা আছিল ৷
প্ৰথম তিনিটা ঘটনাৰ নিশ্চিতি লাভ কৰাৰ পাচতে এই সম্পৰ্কত গুৰুত্ব আৰোপ কৰা হয় বুলি জানিবলৈ দিয়ে চীনৰ সংবাদ মাধ্যমে ৷