বিগত 24 ঘন্টাত নিধন 100 সন্ত্ৰাসবাদী

সন্ত্ৰাসজৰ্জৰিত আফগানিস্তানত বিগত 24 ঘন্টাত দেশখনৰ বিশেষ বাহিনীৰ অভিযানত 100ৰো অধিক সন্ত্ৰাসবাদী নিহত হোৱাৰ লগতে 45ৰো অধিক আঘাতপ্ৰাপ্ত হয় ৷ 15খনকৈ প্ৰভিন্সত চলোৱা 18টা অভিযানত সন্ত্ৰাসবাদীৰ ওপৰত এইদৰে নামি পৰে আফগান বাহিনী ৷

ইন্টাৰনেশ্বনেল ডেস্ক, 24 ডিচেম্বৰঃ বিগত 24 ঘন্টাত আফগান বাহিনীৰ হাতত নিধন হৈছে 100ৰো অধিক সন্ত্ৰাসবাদী ৷ সন্ত্ৰাসবাদৰ বিৰুদ্ধে ঘোষণা কৰা এই যুদ্ধত বিশেষ সফলতা লাভ কৰিবলৈ সক্ষম হৈছে দেশখনৰ সৈন্যবাহিনীয়ে ৷ আফগানিস্তানৰ 15খনকৈ প্ৰভিন্সত বিগত 24 ঘন্টাত চলোৱা 18টাকৈ অভিযানত 100ৰো অধিক সন্ত্ৰাসবাদীক নিধন কৰিবলৈ সক্ষম হৈছে আফগান বাহিনীয়ে ৷

লগতে পঢ়কঃ বিশ্বনাথত NDFBয়ে নিৰীহ লোকৰ তেজেৰে ফাকু খেলা ঘটনাৰ আজি পঞ্চম বাৰ্ষিকী

দেশখনৰ প্ৰতিৰক্ষা বিভাগে টুইটাৰযোগে প্ৰকাশ কৰিছে এই তথ্য ৷ টুইটটোত প্ৰকাশ কৰা অনুসৰি, বিগত 24 ঘন্টাত 15খনকৈ প্ৰভিন্সত চলোৱা 18টা অভিযানত 109টা সন্তাসবাদী নিহত হোৱাৰ লগতে 45 সন্ত্ৰাসবাদী আহত আৰু 5জন সন্ত্ৰাসবাদীক গ্ৰেপ্তাৰ কৰে আফগান সেনাই ৷ অৱশ্যে এতিয়ালৈকে দেশখনে এইসমূহ সন্ত্ৰাসবাদীৰ সংগঠন সন্দৰ্ভত কোনোধৰণৰ তথ্য প্ৰকাশ কৰা নাই ৷