ইণ্টাৰনেশ্যনেল ডেস্ক, 6 জুনঃ আফগানিস্তানৰ দক্ষিণ প্ৰান্তৰ হেলমেণ্ডত আৰক্ষীৰ লগত হোৱা সংঘৰ্ষত 6 জন তালিবান আহত হোৱাৰ লগতে ১১ জন তালিবান নিহত হয় । শনিবাৰে এই বিষয়ে অৱগত কৰে হেলমেণ্ডৰ স্থানীয় আৰক্ষীয়ে ।
আফগানিস্তানত এক সংঘৰ্ষত নিহত ১১ তালিবান সন্ত্ৰাসবাদী
শুকুৰবাৰে নিশা তালিবান সন্ত্ৰাসবাদী আৰু আফগান আৰক্ষীৰ মাজত হোৱা সংঘৰ্ষত ১১ জন তালিবান নিহত হোৱাৰ লগতে আহত হয় ৬ জনকৈ তালিবান সন্ত্ৰাসবাদী ।
11 Taliban members killed, 6 injured in clashes in Afghanistan
আৰক্ষীয়ে উল্লেখ কৰা অনুসৰি, শুকুৰবাৰে নিশা সন্ত্ৰাসবাদীৰ দলটোৱে দক্ষিণ প্ৰান্তৰ হেলমেণ্ডৰ নাদ আলী, ৱাছিৰ আৰু চাংগিন জিলাৰ তালাচী চকীত আক্ৰমণ কৰে । যিটো পিচলৈ তালিবান আৰু আফগান আৰক্ষীৰ মাজৰ সংঘৰ্ষত পৰিণত হয় ।
এই সংঘৰ্ষত কোনো আৰক্ষী জোৱান আহত হোৱা নাই বুলি উল্লেখ কৰে আৰক্ষীৰ কৰ্তৃপক্ষই ।