নিউজ ডেস্ক,26 নৱেম্বৰ : লিংগভিত্তিক হিংসা প্ৰতিৰোধ কৰাৰ ক্ষেত্ৰত মহিলা নেতৃত্বাধীন সংস্থাক সমৰ্থন কৰাৰ অৰ্থে ৰাষ্ট্ৰসংঘই 25 মিলিয়ন আমেৰিকান ডলাৰৰ ঘোষণা কৰে ৷
এই পুঁজি ইতিমধ্যে ৰাষ্ট্ৰসংঘৰ জনসংখ্যা কোষ (UNFPA) আৰু ৰাষ্ট্ৰসংঘৰ মহিলাসকললৈ প্ৰেৰণ কৰা হৈছে ৷ লিংগভিত্তিক হিংসাত্মক যুঁজ দি থকা মহিলা সংস্থাবোৰক প্ৰায় 30 শতাংশকৈ পুঁজি প্ৰদান কৰিবলৈ ৰাষ্ট্ৰসংঘই নিৰ্দেশ জাৰী কৰে ৷ পীড়িতাসকলৰ চিকিৎসা,পৰিয়াল পোহপাল,আইনী সহায়,সুৰক্ষিত স্থান, মানসিক স্বাস্থ্য সেৱা আৰু পৰামৰ্শ আদিৰ ক্ষেত্ৰত বুধবাৰে ৰাষ্ট্ৰসংঘৰ কাৰ্যালয়ে এক প্ৰেছ বিজ্ঞপ্তি মুকলি কৰে ৷
UNFPAয়ে 17 মিলিয়ন আৰু ৰাষ্ট্ৰসংঘৰ মহিলাসকলে 8 মিলিয়ন আমেৰিকান ডলাৰ লাভ কৰিব ৷ প্ৰেছ বিজ্ঞপ্তিত উল্লেখিত অনুসৰি,এই পুঁজি ক’ত কেনেকৈ খৰচ কৰিব লাগে সেয়া UNFPA আৰু ৰাষ্ট্ৰসংঘৰ মহিলাসকলৰ ওপৰত নিৰ্ভৰ কৰিব ৷