মহামাৰী আৰু আন্তৰিক সহযোগিতা লৈ বাইডেনৰ সৈতে মোডীৰ বৈঠক

প্ৰধানমন্ত্ৰী নৰেন্দ্ৰ মোডীয়ে আমেৰিকাৰ নিৰ্বাচিত ৰাষ্ট্ৰপতি জ' বাইডেনৰ সৈতে বাৰ্তালাপত মিলিত হয় ৷ দুয়োগৰাকী নেতাই দুয়োখন দেশৰ মাজৰ সামৰিক সহযোগিতা, মহামাৰীৰ সৈতে মোকাবিলা, জৈৱ বৈচিত্ৰ্য আৰু ভাৰত-প্ৰশান্ত অঞ্চলৰ সহযোগিতা সন্দৰ্ভত বাৰ্তালাপ কৰে ৷ প্ৰধানমন্ত্ৰীয়ে উপ-ৰাষ্ট্ৰপতি নিৰ্বাচিত কমলা হেৰিছকো শুভেচ্ছা জ্ঞাপন কৰে ৷

নিউজ ডেস্ক, 18 নৱেম্বৰ : প্ৰধানমন্ত্ৰী নৰেন্দ্ৰ মোডীয়ে আমেৰিকাৰ ৰাষ্ট্ৰপতি নিৰ্বাচিত জ' বাইডেনৰ সৈতে বাৰ্তালাপত মিলিত হয় ৷ বাইডেনৰ লগতে উপ-ৰাষ্ট্ৰপতি নিৰ্বাচিত কমলা হেৰিছক শুভেচ্ছা জ্ঞাপন কৰি দুয়োখন দেশৰ মাজত ভাৰত-প্ৰশান্ত সামৰিক সহযোগিতাৰ ওপৰত বিষদ আলোচনা কৰে দুয়োগৰাকী নেতাই ৷ জ' বাইডেন আমেৰিকাৰ ৰাষ্ট্ৰপতি নিৰ্বাচিত হোৱাৰ পিচত এয়া তেওঁৰ সৈতে মোডীৰ প্ৰথমটো বাৰ্তালাপ আছিল ৷

প্ৰধানমন্ত্ৰীয়ে এই সন্দৰ্ভত টুইট কৰি জানিবলৈ দিয়ে ৷ প্ৰধানমন্ত্ৰীয়ে টুইট কৰি দুয়োখন দেশৰ উমৈহতীয়া চিন্তাৰ ওপৰত কাম কৰাৰ লগতে সামৰিক সহযোগিতা, মহামাৰীৰ সৈতে মোকাবিলা, জৈৱ বৈচিত্ৰ্য আদি দিশত আলোচনা কৰাৰ বিষয়ে জনায় ৷

প্ৰধানমন্ত্ৰীয়ে কমলা হেৰিছক শুভেচ্ছা জ্ঞাপন কৰি তেওঁ আমেৰিকাৰ উপ-ৰাষ্ট্ৰপতি নিৰ্বাচিত হোৱাৰ ফলত আমেৰিকান-ইণ্ডিয়ান সম্পৰ্ক অধিক মজবুত হৈ পৰিব বুলি টুইট কৰে ৷

প্ৰধানমন্ত্ৰীৰ কাৰ্যালয়ে এই সন্দৰ্ভত এক বিজ্ঞপ্তি প্ৰকাশ কৰি দুয়োগৰাকী নেতাৰ বাৰ্তালাপৰ বিষয়ে জানিবলৈ দিয়ে ৷

লগতে পঢ়ক :কমলা হেৰিছেই নহয়, ভাৰতেৰে সম্পৰ্ক আছে জ' বাইডেনৰ !