নিউজ ডেস্ক, ৪ জানুৱাৰী: আমেৰিকা ডেমক্ৰেটিক পাৰ্টিৰ সদস্য নান্সি পেলচি দ্বিতীয়বাৰৰ বাবে আমেৰিকা সংসদৰ প্ৰতিনিধি সভাৰ অধ্যক্ষ হিচাপে নিৰ্বাচিত হয় । আন্তঃৰাষ্ট্ৰীয় সংবাদ মাধ্যম অনুসৰি গৃহ সংখ্যালঘু শ্ৰেণীৰ নেতা কেবিন মেকাৰ্থিক ২০৯ টা ভোটত হৰুৱাই ২১৬ গৰাকী সদস্যৰে পুনৰবাৰ কাৰ্যকাল চলাব নান্সি পেলচিয়ে । ডেমক্ৰেটিক পাৰ্টিৰ ৫ সদস্যই ৮০ বছৰীয়া নান্সি পেলচিৰ পক্ষে ভোটদান সাব্যস্ত কৰি নিৰ্বাচিত কৰে ।
সুদীৰ্ঘ ১৭ বছৰে হাউচ ডেমক্ৰেটিকৰ পৰ্যবেক্ষকৰ দায়িত্বত থকাৰ পাচত সংসদীয় নিৰ্বাচনত বিনা প্ৰতিদ্বণ্ডিতাই নিৰ্বাচনত জয়ী হয় নান্সি পেলচি । উল্লেখ্য যে, আমেৰিকা সংসদৰ প্ৰতিনিধি সভাৰ অধ্যক্ষ হিচাপে নিৰ্বাচিত হোৱা প্ৰথমগৰাকী মহিলা নান্সি পেলচি । ২০০৬ চনৰ পৰা ২০১১ চনলৈ সংসদৰ নেতৃত্ব প্ৰদান কৰি আহিছে । পৰৱৰ্তী সময়ত ২০১৮ চনত ডেমক্ৰেটিকৰ পৰা সংসদলৈ উভতি যায় ।