নিউজ ডেস্ক, 25 অক্টোবৰ : যেতিয়াই আপুনি অনলাইন কিবা search কৰাৰ কথা চিন্তা কৰে, তেতিয়াই আপুনি গুগল (Google)ৰ কথা ভাবে ৷ যেতিয়া ৰঙীন আঠাযুক্ত টোকাৰ কথা চিন্তা কৰে, তেতিয়া আপুনি ‘পোষ্ট ইট’ (Post-it)ৰ কথা ভাবে ৷ ঠিক তেনেদৰে যেতিয়াই আপুনি কোন ছবি বা চিৰিজ চোৱাৰ কথা চিন্তা কৰে তেতিয়া.... হয় তেতিয়া আপুনি নিশ্চিতভাৱে নেটফ্লিক্স (Netflix)ৰ কথাই ভাবে ৷ binge-watchingৰ সমাৰ্থক শব্দ এতিয়া হৈ পৰিছে Netflix ৷
নেটফ্লিক্স হ’ল এটা কোম্পানীৰ প্ৰেৰণাদায়ক উদাহৰণ, যিয়ে সফলতাপূৰ্বকভাৱে তেওঁলোকৰ ব্যৱসায়ৰ আৰ্হি কেইবাবাৰো সলনি কৰিছে আৰু ইয়াৰ বাবেই এতিয়া তেওঁলোকে দ্ৰুতগতিত ব্যৱসায় বঢ়াবলৈ সক্ষম হৈছে ৷ তেওঁলোকে ৰাষ্ট্ৰীয়ভাৱে (আমেৰিকা যুক্তৰাষ্ট্ৰত) এটা মেইল সেৱাৰ জৰিয়তে বাকচযুক্ত সামগ্ৰী ভাড়াত দিয়াৰ সৈতে নিজৰ ব্যৱসায় আৰম্ভ কৰিছিল আৰু পিছলৈ বিশ্বব্যাপী বিভিন্ন প্ৰয়োজনীয়তা পূৰণ কৰা অন-ডিমাণ্ড মনোৰঞ্জন প্ৰদানলৈ স্থানান্তৰিত হৈছিল ।
Netflix এ অফাৰ কৰা ‘all you can eat subscription’ৰ দ্বাৰা আপুনি যেতিয়াই বিচাৰে, যি ঠাইতে বিচাৰে নিজৰ ভাল লগা শ্ব’ সমূহ চাব পাৰিব ৷
Netflix ৰ এই যাত্ৰা আৰম্ভ হৈছিল 1998 চনত, যেতিয়া নেটফ্লিক্সে মেইলৰ জৰিয়তে DVD ভাড়াত দিছিল ৷ ইয়াৰ এবছৰ পিছতেই নেটফ্লিক্সে ইয়াৰ pay-for-use আৰ্হি সলনি কৰি subscription ৰ ব্যৱস্থা কৰিছিল ৷ ইয়াৰ প্ৰায় এটা দশক পিছত নেটফ্লিক্সে তেওঁলোকৰ প্ৰস্তাৱটো এটা ষ্ট্ৰীমিং সেৱালৈ সলনি কৰে, যিয়ে লাখ লাখ লোকে তেওঁলোকৰ আজৰি সময় অতিবাহিত কৰাৰ পদ্ধতি সলনি কৰি দিয়ে ৷
এই বজাৰত Amazon Prime, Hulu Plus আৰু Facebook Watch আদিৰ দৰে কেইবাটাও OTT মঞ্চই প্ৰৱেশ কৰিছে কিন্তু Netflix এতিয়াও আটাইতকৈ শীৰ্ষত আছে ৷ 2017 চনত নেটফ্লিক্সৰ গ্ৰাহকৰ সংখ্যা আছিল 124 মিলিয়ন আৰু ইয়াৰ বাৰ্ষিক আয় আছিল 11.7 বিলিয়ন ৷
এই সফলতাৰ দিশত তেওঁলোকৰ যাত্ৰা কেনেকুৱা আছিল আৰু কিহে তেওঁলোকৰ সূচকীয় বিকাশক চালিত কৰি আছে ? নেটফ্লিক্সে কেনেকৈ তেওঁলোকৰ ব্যৱসায়িক আৰ্হিটো দ্ৰুতগতিত বৃদ্ধি হোৱাৰ বাবে স্থানান্তৰ কৰিছিল আহক তাক অন্বেষণ কৰোঁ-
নেটফ্লিক্সৰ প্ৰাৰম্ভিক ব্যৱসায় আৰ্হি
যেতিয়া চফ্টৱেৰ ইঞ্জিনিয়াৰ ৰিড হেষ্টিংছ আৰু মাৰ্ক ৰাডল্ফে 1997 চনত নেটফ্লিক্সৰ প্ৰতিষ্ঠা কৰিছিল, তেতিয়া এই ভিডিঅ’ ভাড়ালৈ দিয়া দোকানখনে, গৃহ মনোৰঞ্জনৰ বজাৰখন দখল কৰিবলৈ সক্ষম হয় ৷ কিন্তু এই বজাৰখন গ্ৰাহকৰ উপযোগী হৈ উঠা নাছিল ৷ কিয়নো এই ভিডিঅ’ সমূহ ওভতাই দিয়াত পলম হ’লে গ্ৰাহকে অধিক মাচুল ভৰিব লাগিছিল ৷ ইয়াকে লৈ হতাশ হৈ পৰিছিল হেষ্টিংছ ৷