নেশ্যনেল ডেক্স , 21 জানুৱাৰী : সমগ্ৰ বিশ্বত বৰ্তমান সময়ত নিবনুৱাৰ সংখ্যা 470 কোটিত কৈ অধিক ৷ সোমবাৰে ৰাষ্ট্ৰসংঘই প্ৰকাশ কৰা এক প্ৰতিবেদনত প্ৰকাশ পায় এই তথ্য ৷ উপযুক্ত চাকৰিৰ অভাৱত সামাজিক অস্থিৰতাই দেখা দিছে বুলি প্ৰতিবেদনত প্ৰকাশ পায় ৷ ৰাষ্ট্ৰসংঘৰ আন্তৰ্জাতিক শ্ৰম সংঘৰ মতে বিশ্বব্যাপী নিবনুৱাৰ হাৰ যোৱা দশকত তুলনামূলকভাৱে স্থিতিশীল অৱস্থাত আছে ৷ ৰাষ্ট্ৰসংঘৰ এক সমীক্ষা মতে পূৰ্বৰ দশকত ইয়াৰ হাৰ আছিল 5.4 শতাংশ ৷ তীব্ৰগতিত বঢ়া জনসংখ্যাৰ ফলত চাকৰিৰ সংখ্যা হ্ৰাস পোৱা দেখা গৈছে বুলিও প্ৰতিবেদনত প্ৰকাশ পায় ৷
2019 বৰ্ষত 188 মিলিয়নৰ পৰা 190.5 মিলিয়ন বৃদ্ধি হোৱাৰ সম্ভাৱনা আছে বুলি আই এল অ' (ILO) ই চলিত বৰ্ষত পঞ্জীয়ন হোৱা নিৱনুৱাৰ সংখ্যাৰ প্ৰতিবেদনত কয় ৷ সাম্প্ৰতিক সময়ত ৰাষ্ট্ৰসংঘৰ সংস্থাই বিশ্বব্যাপী প্ৰায় 285 মিলিয়ন মানুহক নিৱনুৱা হিচাপে স্বীকৃতি দিছে ৷ আই এল ওৰ প্ৰতিবেদনত মন্তব্য কৰে যে 2019ত 630 মিলিয়নতকৈ অধিক লোক বিশ্বৰ কৰ্মক্ষম জমসংখ্যাৰ এক পঞ্চমাংশ দৰিদ্ৰসীমাৰেখাৰ তলত বসবাস কৰে ৷ যাৰ প্ৰতিদিনৰ আয় 3.20 ডলাৰ ৷