বাগদাদ, 18 নৱেম্বৰ: ইৰাকৰ ৰাজধানীত ৰকেট আক্ৰমণ ৷ ইৰাকৰ সামৰিক বাহিনীয়ে জানিবলৈ দিয়ে মতে চাৰিটা ৰকেটে কঠোৰ নিৰাপত্তাৱেষ্টিত গ্ৰীণ জ'নত আক্ৰমণ কৰাৰ ফলত এটি শিশুৰ মৃত্যু হোৱাৰ লগতে পাঁচগৰাকীকৈ লোক আঘাতপ্ৰাপ্ত হৈছে ৷ ইৰাকৰ সেনা বাহিনীৰ মতে এই আক্ৰমণে ইৰান সমৰ্থক মিলিছিয়াই ঘোষণা কৰা অনানুষ্ঠানিক যুদ্ধবিৰতি শেষ হোৱাৰ সংকেত দিছে ৷
ইৰাকৰ দুগৰাকী সুৰক্ষা বিষয়াই জনাইছে যে গ্ৰীণ জ'নত আঘাত কৰা এটা ৰকেটে আমেৰিকান দূতাবাসৰ পৰা মাত্ৰ 600 মিটাৰ নিলগত অৱস্থিত ইৰাকৰ ৰাষ্ট্ৰীয় সুৰক্ষা সেৱাৰ কাষত আঘাত কৰে ৷ তেওঁলোকে কয় যে কেইটামান ৰকেট চলিত বৰ্ষত আমেৰিকাৰ দ্বাৰা স্থাপিত চি-আৰএএম এয়াৰ ডিফেন্স চিষ্টেমৰ দ্বাৰা প্ৰতিৰোধ কৰা হৈছিল ৷