ৰবিবাৰে হাষ্টনত হ’বলগীয়া মোদী-ট্ৰাম্প বৈঠকৰ আগত,উদ্বেগপূৰ্ণ ভাৰত আমেৰিকা বাণিজ্য সম্বন্ধীয় সফলতাৰ সম্ভাৱনা বিগত সময়ছোৱাৰ তুলনাত উজ্বল দেখা গৈছে ৷ নিজৰ বাবে অধিক লাভ বিচৰাৰ ক্ষেত্ৰত এক চুক্তি দুয়োপক্ষৰে বাবে সহজ নহ’ব ৷ এই সন্দৰ্ভত সংবাদ সংস্থা পিটি আইক জনাইছে যে মাৰ্কিন ৰাষ্ট্ৰপতি ডোনাল্ড ট্ৰাম্পে কেলিফোৰ্ণিয়াৰ পৰা ৱাছিংটন ডিচিলৈ ওভটাৰ পথত বুধবাৰে এয়াৰ ফোৰ্চ 1ৰ পৰা আৰোহণকাৰীয়ে সাংবাদিকক কয় যে প্ৰধানমন্ত্ৰী নৰেন্দ্ৰ মোদীৰ দেওবাৰৰ হাষ্টন সমাবেশ সন্দৰ্ভত এটি ঘোষণা আগবঢ়োৱা উচিত ৷
হোৱাইট হাউচে জনায় যে,দেওবাৰে ‘হাউডি মোদী!’ অনুষ্ঠানত ট্ৰাম্পে ভাৰতীয় প্ৰবাসীৰ 50,000 সদস্যৰ সমাবেশত নৰেন্দ্ৰ মোদীক সংগ দিব ৷ নৰেন্দ্ৰ মোদীয়ে 21ৰ পৰা 27 ছেপ্টেম্বৰলৈ নিউয়ৰ্কৰ ৰাষ্ট্ৰসংঘৰ সাধাৰণ পৰিষদৰ বাৰ্ষিক অধিবেশনৰ বাবে আমেৰিকালৈ যোৱাৰ কথা আছে ৷ দুয়োগৰাকী নেতাই তাত দ্বিতীয়বাৰৰ বাবে বৈঠকত মিলিত হ’ব ৷ দেওবাৰৰ ঘোষণা সন্দৰ্ভত এতিয়ালৈ বিস্তৃতভাৱে জনোৱা হোৱা নাই ৷ কিন্তু ৰাষ্ট্ৰপতি ট্ৰাম্পৰ দ্বাৰা ভাৰতৰ সৈতে বাণিজ্যত প্ৰায় 30 বিলিয়নৰ লোকচান হ্ৰাস কৰাৰ ওপৰত গুৰুত্ব আৰোপ কৰা হ’ব ৷ 27 বিলিয়ন ডলাৰৰ ব্যৱসায়িক অংশীদাৰৰ আমদানিৰ তুলনাত 2017-18 চনত মাৰ্কিন যুক্তৰাষ্ট্ৰত ভাৰতৰ ৰপ্তানি প্ৰায় 48 বিলিয়ন ডলাৰলৈ বৃদ্ধি পাইছে ৷
ইয়াৰ পূৰ্বে সোমবাৰে বাণিজ্যমন্ত্ৰী পীযুষ গোৱেলে ঘোষণা কৰিছিল যে উভয় পক্ষই বাণিজ্য প্ৰস্তাৱ চূড়ান্ত কৰিছে ৷ যদিও মোদী-ট্ৰাম্পৰ বৈঠকত ইয়াক ঘোষণা কৰা হ’ব নে নাই তেখেতক সেইটো নিশ্চিতকৈ জনোৱা নাই৷
চলিত বছৰৰ জুনত দুয়ো পক্ষৰ মাজত উত্তেজনা তুংগত আছিল,যেতিয়া ট্ৰাম্প প্ৰশাসনে ভাৰতীয় ৰপ্তানিকৃত সামগ্ৰীয়ে জেনেৰেলাইজড চিষ্টেম অফ প্ৰিফাৰেঞ্চ প্ৰোগ্ৰামৰ জড়িয়তে যিসমূহ সুবিধা লাভ কৰিছিল তাক প্ৰত্যাহাৰ কৰে ৷ জি এচ পিয়ে অৰ্থনৈতিকভাৱে উন্নত দেশসমূহক উৎসাহিত কৰাৰ বাবে মনোনীত সুবিধাভোগী দেশসমূহৰ পণ্য শুল্কমুক্ত প্ৰৱেশৰ অনুমতি দিয়ে ৷ কৰ্মসূচীৰ জৰিয়তে বাণিজ্যিক অগ্ৰাধিকাৰ হেৰুৱাৰ পূৰ্ৱে ভাৰতবৰ্ষ জি এচ পিৰ সৰ্বাধিক সুবিধাভোগী দেশআছিল ৷ গতিকে মোদী-ট্ৰাম্পৰ বৈঠকত ভাৰতৰ দৃষ্টিভংগীত সৰ্বাধিক আকাংখিত পৰিণাম হ’ল ভাৰতীয় ৰপ্তানিত মনোনীত জি এচ পিৰ সুবিধাৰ পুনৰ উদ্ধাৰ ৷