নিউজ ডেস্ক, 21 আগষ্ট :বৃহস্পতিবাৰে কেলিফোৰ্নিয়াৰ পূৱ-উত্তৰৰ ঘন জংঘলত ভয়ংকৰ বনজুঁইৰ ফলত 5 গৰাকী লোকৰ মৃত্যু হোৱা বুলি জানিব পৰা গৈছে ৷ লগতে ওচৰ-পাজৰৰ অঞ্চলত বনজুঁই চানি ধৰাৰ বাবে উক্ত অঞ্চলসমূহত শংকাৰ সৃষ্টি হৈছে ৷ Cal Fire ৰ উপ নিৰ্দেশক ডেনিয়েল বেল্টে জনোৱা অনুসৰি, বনজুঁইৰ সূত্ৰপাত হোৱাৰ পিচত 3 গৰাকী লোকৰ মৃত্যু হোৱাৰ লগতে উক্ত জুইত 30 তকৈ অধিক লোক গুৰুতৰভাবে আহত হয় ৷
আনহাতে, চলোনা আৰু নাপা অঞ্চলত বনজুঁইৰ ফলত গেছ ক্ৰেকাৰত কৰ্মৰত এগৰাকী কৰ্মচাৰীৰ মৃত্যু হোৱা বুলিও জানিব পৰা গৈছে ৷ ইফালে, উক্ত অঞ্চলত অগ্নিনিৰ্বাপনৰ বাবে যোৱা এখন হেলিকপ্টাৰ দুৰ্ঘটনাগ্ৰস্ত হোৱাত পাইলটজনে প্ৰাণ হেৰুৱায় ৷