ব্ৰিটেইনৰ পাচত ফাইজাৰৰ ক’ভিড-19 ভেকচিনৰ অনুমোদন কানাডাৰ

ব্ৰিটেইনৰ পাচত কানাডা হৈছে ইয়াৰ নাগৰিক সকলৰ বাবে ফাইজাৰৰ ক’ভিড-19 ভেকচিনৰ অনুমোদন দিয়া দ্বিতীয়খন দেশ ৷ কিয়নো 16 বছৰ বয়সৰ ল’ৰা-ছোৱালীৰ বাবে ফাইজাৰৰ ক’ভিড-19 ভেকচিনৰ অনুমোদন দিছে কানাডাই ৷

নিউজ ডেস্ক,10 ডিচেম্বৰ : 16 বছৰ বয়সৰ ল’ৰা-ছোৱালীৰ বাবে ফাইজাৰৰ ক’ভিড-19 ভেকচিনৰ অনুমোদন দিছে কানাডাই ৷ আগন্তুক সপ্তাহত কানাডিয়ান সকলে এই ভেকচিন লাভ কৰিব বুলি তেওঁলোক আশাবাদী ৷ কানাডিয়ান স্বাস্থ্য নিয়ন্ত্ৰক তথা স্বাস্থ্য বিভাগে সদৰি কৰা মতে, তেওঁলোকে এই ভেকচিনৰ সুৰক্ষা আৰু কাৰ্যকাৰিতা সন্দৰ্ভত সম্পূৰ্ণৰূপে স্বতন্ত্ৰ সমীক্ষা চলাইছে ৷ নিউয়ৰ্ক টাইমছত এই কথা প্ৰকাশ পাইছে ৷

প্ৰতিবেদনত উল্লেখিত অনুসৰি, এই ভেকচিন কাৰ্যকৰী কৰাৰ বাবে অনুমোদন কৰাৰ পূৰ্বে ব্ৰিটেইনে ফাইজাৰৰ বিশ্লেষণৰ ওপৰত গুৰুত্ব প্ৰদান কৰে ৷

আনহাতে প্ৰধানমন্ত্ৰী জাষ্টিন ট্ৰুডেউৱে জনোৱা মতে, ফাইজাৰ ভেকচিনৰ প্ৰথম পালি আগন্তুক সপ্তাহত 14 টা কানাডিয়ান বিতৰণ কেন্দ্ৰত প্ৰদান কৰা হ’ব ৷ ইফালে আমেৰিকাই অনুমোদন কৰাৰ আগতে কানাডাই আমেৰিকাৰ কোম্পানীৰ পৰা ভেকচিনৰ টীকা লাভ কৰা বুলি নিউয়ৰ্ক টাইমছত প্ৰকাশ পাইছে ৷

কানাডালৈ 2,49,000 পালিৰ প্ৰথম শিপা আমেৰিকা যুক্তৰাষ্ট্ৰ আৰু বেলজিয়ামৰ উদ্ভিদৰ পৰা আহিব । প্ৰতিজন ব্যক্তিক টিকাকৰণ কৰিবলৈ দুটা পালি ৰখাৰ প্ৰয়োজন হ’ব । স্বাস্থ্য নিয়ন্ত্ৰকে শিশুৰ ক্ষেত্ৰত প্ৰয়োগ কৰাৰ পূৰ্বে ফাইজাৰৰ পৰা অধিক তথ্যৰ বাবে অপেক্ষা কৰি আছে ।

উল্লেখ্য যে, ব্ৰিটেইনৰ পাচত কানাডা হৈছে ইয়াৰ নাগৰিক সকলৰ বাবে ফাইজাৰৰ ক’ভিড-19 ভেকচিনৰ অনুমোদন দিয়া দ্বিতীয়খন দেশ ৷

লগতে পঢ়ক :পি ডি এমক ৰেলী প্ৰদৰ্শন কৰাত বাধা দিয়াৰ বৃথা চেষ্টা হতাশগ্ৰস্ত পাকিস্তান চৰকাৰৰ