ছোমালিয়াত আত্মঘাতী বোমা আক্ৰমণত নিহত সাত

ছোমালিয়াত আত্মঘাতী বোমা আক্ৰমণত নিহত সাতজন লোক ৷ আনহাতে, আহত হৈছে প্ৰায় আঠজন লোক ৷

ইন্টাৰনেশ্যনেল ডেস্ক, 28 নৱেম্বৰ : ছোমালিয়াৰ ৰাজধানীৰ এখন আইছক্ৰীমৰ দোকানত আত্মঘাতী বোমা আক্ৰমণত নিহয় হয় সাতগৰাকী লোক ৷ এই আক্ৰমণৰ দায়িত্ব গ্ৰহণ কৰিছে অল কায়দাৰে জড়িত অল ছাদাব নামৰ উগ্ৰপন্থী সংগঠনে ৷

আমেৰিকাৰ কূটনীতিবিদ আৰু সৈন্য বাহিনীৰ জোৱানৰ সৈতে সাক্ষাতৰ বাবে আমেৰিকাৰ প্ৰতিৰক্ষা সচিব ক্ৰিষ্টোফাৰ মিলাৰ মোগাদিশুত উপস্থিত হোৱাৰ কিছু ঘন্টা পাচতে সংঘটিত হয় এই আক্ৰমণ ৷

ছোমালিয়ান চৰকাৰৰ মুখপাত্ৰ ছালাহ ওমৰ হাছানে কয় যে, সাতজন লোক নিহত হোৱাৰ লগতে আঘাতপ্ৰাপ্ত হয় প্ৰায় আঠজন লোক ৷

লগতে পঢ়ক :ইৰাণত সেনাৰ পাৰমাণৱিক কাৰ্যত জড়িত এগৰাকী বিজ্ঞানীৰ মৃত্যু