নেশ্যনেল ডেস্ক, ২৭ জুন : ভাৰতীয় চৰকাৰী কৰ্তৃপক্ষই সদৰি কৰা অনুসৰি, চীনা সামগ্ৰী বহিষ্কাৰ কৰা দিশটো অতি সহজো নহয় । ভাৰত-চীনৰ বাণিজ্যৰ নিখুঁত পৰিমাণ, চীনা সামগ্ৰী আৰু মূলধনৰ উপৰিও ভাৰতীয় শিল্প আৰু গ্ৰাহকৰ নিৰ্ভৰতাৰ ক্ষেত্ৰত চীনা সামগ্ৰী বৰ্জন কৰাতো ইমান সহয় নহয় ।
ই টিভি ভাৰতে লাভ কৰা চৰকাৰী প্ৰতিবেদন অনুসৰি, অন্য কিছু সামগ্ৰীৰ লগতে সাৰ উৎপাদনৰ ক্ষেত্ৰতো ভাৰত চীনৰ ওপৰত নিৰ্ভৰশীল । ২০১৬-১৭ চনত ভাৰতে চীনৰ পৰা ২১.৭৬ লাখ মেট্ৰিক টন (lmt) ডিএপি, ০.২৮ এনপিকে আমদানি কৰিছিল । ২০১৭-১৮ চনত চীনে ১৮.৯৪ এলএমটি ডিএপি, ০.৫৯ এলএমটি এনপিকে ৰপ্তানি কৰাৰ লগতে ২০১৮-১৯ বৰ্ষত ৩১.০১ মিলিয়ন ডিএপি আৰু ০.২৪ এমঅ'পি ভাৰতলৈ ৰপ্তানি কৰিছিল ।
চীনা উৎপাদিত সামগ্ৰী বৰ্জনত সক্ষম হ'বনে ভাৰত All India Farmers Alliance (AIFA)ৰ ৰাষ্ট্ৰীয় সংযোজক ৰাজা ৰাম ত্ৰিপাঠীৰ ই টিভি ভাৰতৰ সৈতে হোৱা বাৰ্তালাপত তেওঁ কয় যে, ‘’সাৰৰ কম দাম আৰু মসৃণ পৰিবহনৰ বাবে ভাৰতে চীনৰ সৈতে বাণিজ্যকৰণ কৰাতো পচন্দ কৰে । চীনৰ সাৰৰ মূল্য অতি কম হোৱা হেতুকে ভাৰতে অতি সহজে আমদানি কৰিব পাৰে । ভাৰতে অন্য ১৫ দেশৰ সৈতেও সাৰৰ ব্যৱসায় অব্য়াহত ৰাখিছে আৰু ইয়াৰ ভিতৰত চৌদি আৰৱৰ ভূমিকা উল্লেখনীয় ।''
‘’২০১৬-১৭ চনত চৌদি আৰৱে ১১.৯০ এলএমটি ডিএপি, ২০১৭-১৮ চনত ১৩.১৮ এলএমটি আৰু ২০১৮-১৯ চনত ২২.০২ এলএমটি সাৰ ভাৰতলৈ ৰপ্তানি কৰিছিল । ইয়াৰোপৰি অন্য দেশৰ পৰা ভাৰতে ২০১৬-১৭ চনত ৪৩.৮৫ এলএমটি ডিএপি, ৩৭.৩৬ এলএমটি এমঅ'পি আৰু ৫.২১ এলএমটি এনপিকে সাৰ আমদানি কৰে । ২০১৭-১৮ চনত ৪২.১৭ এলএমটি ডিএপি, ৪৭.৩৬ এলএমটি এমঅ'পি আৰু ৪.৯৯ এলএমটি এনপিকে সাৰ আমদানি কৰে ।''
ত্ৰিপাঠীয়ে সদৰি কৰা অনুসৰি, ‘’সাৰৰ ক্ষেত্ৰত আত্মনিৰ্ভৰশীল হ'বলৈ হলে ভাৰতত বৃহৎ উদ্যোগৰ প্ৰযোজন ।''
