এণ্টাৰটেইনমেণ্ট ডেস্ক, ৩ জুনঃ বলীউড জগতত ৩৬ টা বছৰ সম্পূৰ্ণ কৰিলে বলীউডৰ জ্যেষ্ঠ অভিনেতা অনুপম খেৰে । এই বিশেষ দিনটোতে ৬৫ বছৰীয়া অভিনেতাগৰাকীয়ে টুইটাৰযোগে শ্বেয়াৰ কৰিলে এটা ভিডিঅ'।
ছবিজগতত ৩৬ টা বছৰ সম্পূৰ্ণ অভিনেতা অনুপম খেৰৰ টুইটাৰযোগে, এণ্টাৰটেইনমেণ্ট জগতত ৩৬ টা সম্পূৰ্ণ কৰাৰ কথা উল্লেখ কৰি এইপৰ্যন্ত এয়া এক অবিশ্বাস্য যাত্ৰা বুলি অভিহিত কৰে অভিনেতাগৰাকীয়ে। ১৯৮১ চনৰ ৩ জুনত বুকুত অজুত সপোন বান্ধি লৈ মুম্বাইলৈ আহিছিল অনুপম খেৰ। মুম্বাইত ৩৯ টা বছৰ সম্পূৰ্ণ কৰা অভিনেতাগৰাকীয়ে ১৯৮৪ চনত মহেশ ভাট্টৰ পৰিচালনাত নিৰ্মিত ছবি 'Saaransh' জড়িয়তে ছবিজগতত খোজ দিছিল। তেখেতৰ প্ৰথমখন ছবিয়ে বক্স অফিচত সফলতা লাভ কৰিবলৈ সক্ষম হৈছিল।
আজি এই বিশেষ দিনটোত Theanupamkher.com নামে এটা ৱেবচাইত মুকলি কৰে বলিষ্ঠ অভিনেতাগৰাকীয়ে। ৱেবচাইটো মুকলি কৰি সকলোৰে মৰম আৰু আৰ্শীৰ্বাদ বিচাৰে অনুপম খেৰে। লগতে, ছবিজগতত ৩৬ টা বছৰ সম্পূৰ্ণ কৰাত দৰ্শক তথা অনুৰাগীয়ে দিয়া মৰমৰ বাবে সকলোকে ধন্যবাদ জনায়।
'Saaransh'উপৰিও এই ৩৬ টা বছৰত কেইবাখনো জনপ্ৰিয় ছবিত অভিনয় কৰিছে অনুপম খেৰে। ইয়াৰ ভিতৰত 'Daddy'(1989), 'Karma'(1986), 'Darr'(1993), 'Chaalbaaz'(1989), 'Dilwale Dulhania Le Jayaenge'(1995), 'A Wednesday'(2008), 'Tezaab'(1998), 'Ram Lakhan'(1989), 'Lamhe'(1991), 'Kuch Kuch Hota Hai'(1998) আদি ছবিত কৰা অভিনয়ে দৰ্শকৰ মন জয় কৰিবলৈ সক্ষম হৈছিল। বৰ্তমানলৈকে কেইবাটাও ভাষাত প্ৰায় ৫০০ খন ছবিত অভিনয় কৰাৰ লগতে দুটাকৈ ৰাষ্ট্ৰীয় সম্মান লাভ কৰিছে অভিনেতা অনুপম খেৰে।
লগতে চাওকঃ দক্ষিণ কোৰিয়াৰ চেনিটাইজাৰ মেচিনেৰে মংগলদৈ চহৰ চেনিটাইজ
