নেশ্যনেল ডেস্ক, 3 জানুৱাৰী: অলপতে মধ্যপ্ৰদেশৰ জবলপুৰৰ বাসিন্দা তথা ছলমান খানৰ এজন অনুৰাগীয়ে ছুপাৰষ্টাৰগৰাকীক লগ কৰাৰ আগ্ৰহেৰে চাইকেল চলাই মুম্বাইলৈ যাত্ৰা কৰিছিল । নিজকে ছলমান খানৰ এজন "দিৱানা" বুলি অভিহিত কৰা যুৱকজনে চাইকেলেৰে প্ৰায় ১১০০ কিলোমিটাৰ দূৰত্ব অতিক্ৰম কৰি নিজৰ আইডলগৰাকীক লগ পাবলৈ সক্ষম হয় (Salman Khan fan covers 1100 km on cycle)। অনুৰাগীগৰাকীৰ সৌভাগ্য যে, সেইদিনা ছলমান খান তেওঁৰ বাসগৃহতে উপস্থিত আছিল আৰু অৱশেষত অনুৰাগী যুৱকজনে ছুপাৰষ্টাৰগৰাকীৰ সৈতে অতি সুন্দৰভাৱে মত বিনিময় কৰিবলৈ সুযোগ পাইছিল ।
ছ’চিয়েল মিডিয়াত ভাইৰেল হোৱা এখন ফটোত অভিনেতা ছলমান খানে "বিয়িং হিউমেন" লিখিত চাইকেলখনৰ লগত যুৱকজনৰ সৈতে এটা পোজ দি থকা দেখা গৈছে (Salman Khan viral pic with fan) । ইনষ্টাগ্ৰামত ছলমানৰ এটা ফেন পেজে পোষ্ট কৰা ছবিখনৰ কেপচনত উল্লেখ কৰা হৈছে, ‘জবলপুৰৰ বাসিন্দা সমীৰে মেগাষ্টাৰক লগ কৰিবলৈ ১১০০ কিলোমিটাৰ পেডেল মাৰি মুম্বাইলৈ গৈছিল (Salman Khan meets Jabalpur fan)।
ফটোখনত ছলমানৰ অনুৰাগী যুৱকজনৰ দুচকীয়া চাইকেলখনত আৰি ৰখা এখন বৰ্ডত লিখা আছিল, "Chalo unko duwaae dete chale. Jabalpur to Mumbai, dewaana mai chala."
ইনষ্টাগ্ৰামত শ্বেয়াৰ কৰাৰ পিছতে ফটোখনে ৪৫০০ ৰো অধিক লাইক আৰু হাজাৰটা কমেন্ট লাভ কৰিছে । এজন ইনষ্টা ব্যৱহাৰকাৰীয়ে লিখিছে"ভাই কি দিৱাংগী" (Bhai Ki diwangi) । আন এজনে উল্লেখ কৰিলে এনেদৰে, ছলমান খানৰ বলীউডত The Most Loyal & Deewangi type Fans আছে।