চিটাৰা ডেস্ক, ১৪ জানুৱাৰী:জনপ্ৰিয় টিভি অভিনেত্ৰী সুৰভি চন্দনাই বৰ্তমান তেওঁৰ এটা পোষ্টৰ বাবে বাতৰিৰ শিৰোনাম দখল কৰিছে । দৰাচলতে অভিনেত্ৰীগৰাকীয়ে এটা বিমান সংস্থাৰ বিৰুদ্ধে গুৰুতৰ অভিযোগ উত্থাপন কৰিছে । এটা পোষ্ট শ্বেয়াৰ কৰি সুৰভিয়ে বিমান সংস্থাটোক লৈ ক্ষোভ প্ৰকাশ কৰিছে । আচলতে সমগ্ৰ ঘটনাটো কি জানো আহক এই প্ৰতিবেদনত ।
সুৰভি চন্দনাই অলপতে ভিস্তাৰা এয়াৰলাইন্সেৰে যাত্ৰা কৰিছিল । কিন্তু এই যাত্ৰা সুৰভিৰ বাবে বৰ ভাল নাছিল । এই যাত্ৰাত সুৰভিৰ অভিজ্ঞতা আছিল বহুত বেয়া ৷ এতিয়া এই বেয়া অভিজ্ঞতা নিজৰ ছ’চিয়েল মিডিয়াত শ্বেয়াৰ কৰি অভিনেত্ৰীগৰাকীয়ে বিমান সংস্থাৰ ওপৰত নিজৰ ক্ষোভ প্ৰকাশ কৰিছে ।
বিমান সংস্থাক লৈ ক্ষোভ প্ৰকাশ সুৰভি চন্দনাৰ
সুৰভিয়ে তেওঁৰ ইনষ্টাগ্ৰাম ষ্ট’ৰীত এটা পোষ্ট শ্বেয়াৰ কৰিছে । এই পোষ্টটোত অভিনেত্ৰীগৰাকীয়ে লিখিছে- আটাইতকৈ বেয়া বিমান সংস্থাৰ বঁটা ভিস্তাৰালৈ । মোক নজনাকৈয়ে মোৰ প্ৰাইঅ’ৰিটি বেগটো আঁতৰাই দিয়া হ’ল । বেগটো বিমানবন্দৰ পালে নে নাই তাকো আশ্বস্ত কৰা নহ’ল ৷