চিটাৰা ডেস্ক, ২ জানুৱাৰী:‘বিগ বছ ১৭’ৰ প্ৰতিযোগী তথা ষ্টেণ্ডআপ কমেডিয়ান মুনাৱাৰ ফাৰুকীয়ে তেওঁৰ প্ৰেম জীৱনৰ বাবে বহুদিনৰে পৰা বাতৰিৰ শিৰোনাম দখল কৰি আহিছে । আয়েশা খানে শেহতীয়াকৈ শ্ব’টোত প্ৰৱেশ কৰি মুনাৱাৰৰ বিষয়ে বহু অভিযোগ উত্থাপন কৰিছিল ৷ ইয়াৰ পিচতে ছ’চিয়েল মিডিয়াত লাইভ আহি প্ৰেমিকা নাজিলাই মুনাৱাৰৰ সৈতে ব্ৰেকআপৰ কথা ঘোষণা কৰিছিল । ইয়াৰ মাজতে শেহতীয়াকৈ দেখা গৈছে যে বিগ বছৰ ঘৰত আয়েশাৰ স্বাস্থ্যৰ অৱনতি ঘটে । ইফালে আকৌ মুনাৱাৰৰ প্ৰাক্তন প্ৰেমিকা নাজিলাই লাইভ আহি ছ’চিয়েল মিডিয়া ব্যৱহাৰকাৰীক এক বিশেষ আহ্বান জনায় ।
৩১ ডিচেম্বৰত ইনষ্টাগ্ৰামত লাইভ আহিছিল নাজিলা আৰু এই সময়চোৱাত তেওঁ অনুৰাগীক অনলাইনত ঘৃণা বিয়পোৱাৰ পৰা নিজকে আঁতৰাই ৰাখিবলৈ আহ্বান জনায় । নাজিলাই কয়- সেই ঘটনাবোৰ, যিয়েই নাছিল কিয়, পাহৰি যাবলৈ সকলোকে আহ্বান জনাইছোঁ । মই সকলোকে ক’ব বিচাৰো যে যিয়েই নহওক কিয়, আপোনালোকে কোনো লোকৰ বাবে ঘৃণা বিয়পাই নাথাকিব, সেই মানুহজনৰ লাগিলে ভুলেই নহওক কিয় ।
নাজিলাই লাইভত লগতে কয়, ‘‘আপুনি কি ক’ব, কি নক’ব, সেই বিষয়ে আপুনি অধিক সজাগ হ’ব লাগিব ৷ কাৰণ আপুনি হয়তো নাজানে যে আপুনি কোৱা কথাবোৰে আন লোককো প্ৰভাৱিত কৰিব পাৰিব, যিটো সকলোৰে ক্ষেত্ৰত প্ৰযোজ্য হয় । কাকো গালি-গালাজ কৰিবলৈ চেষ্টা নকৰিব । মানুহে যিয়েই নকৰক কিয়, নিজৰ কৰ্মৰ ফল পাবই । সময়ৰ লগে লগে সকলো ভাল হৈ যায় আৰু কাৰোবাক গালি-গালাজ কৰি নিজৰ মুখখন নষ্ট কৰিব নালাগে ।’’