কৰণবীৰৰ বিৰুদ্ধে ১ কোটি টকাৰ প্ৰতাৰণাৰ অভিযোগ এগৰাকী মহিলাৰ

টিভি জগতৰ অভিনেতা কৰণবীৰ বোহৰাৰ বিৰুদ্ধে উত্থাপন হৈছে প্ৰতাৰণাৰ অভিযোগ (Karanvir Bohra news) ৷ এগৰাকী মহিলাৰ পৰা প্ৰতাৰণা কৰি কোটি টকা আত্মসাৎ কৰাৰ গোচৰ ৰুজু হৈছে তেওঁৰ বিৰুদ্ধে । আৰক্ষীয়ে ইতিমধ্য়েই তদন্ত আৰম্ভ কৰিছে ।

চিটাৰা ডেস্ক, 15 জুন :বিতৰ্কত সোমাই পৰিছেটিভিৰ বিখ্যাত অভিনেতা কৰণবীৰ বোহৰা ৷ অভিনেতাগৰাকীৰ বিৰুদ্ধে এগৰাকী ৪০ বছৰীয়া মহিলাই অভিযোগ উত্থাপন কৰিছে ৷ কোটি টকাৰ প্ৰতাৰণা আৰু হত্যাৰ ভাবুকি দিয়াৰ অভিযোগত থানাত গোচৰ ৰুজু কৰিছে মহিলা গৰাকীয়ে ৷

মহিলাগৰাকীয়ে অভিনেতাজনৰ বিৰুদ্ধে ওশিৱাৰা আৰক্ষী থানাত গোচৰ ৰুজু কৰিছে । মহিলাগৰাকীয়ে অভিনেতাগৰাকীৰ বিৰুদ্ধে ১.৯৯ কোটি টকাৰ প্ৰতাৰণা কৰাৰ অভিযোগ উত্থাপন কৰিছে । মহিলাগৰাকীৰ অভিযোগৰ ভিত্তিত, আৰক্ষীয়ে কৰণবীৰকে ধৰি ছয়জন ব্যক্তিৰ বিৰুদ্ধে গোচৰ ৰুজু কৰিছে আৰু তদন্ত আৰম্ভ কৰিছে ।

মহিলাগৰাকীয়ে অভিযোগ কৰিছে যে কৰণবীৰে 2.5 শতাংশ সূতৰ হাৰৰ সৈতে 1.99 কোটি টকা ঘূৰাই দিয়াৰ প্ৰতিশ্ৰুতি দিছিল; কিন্তু সেইয়া তেওঁ সময়মতে ঘূৰাই নিদিলে । মহিলাগৰাকীয়ে আৰক্ষীক লগতে আৰু কৈছিল যে অভিনেতাজনে তেওঁক মাত্ৰ ১ কোটি টকাহে ঘূৰাই দিছিল ।

মহিলাগৰাকীক দিয়া হৈছিল হত্যাৰ ভাবুকি

আৰক্ষীৰ ওচৰত মহিলাগৰাকীয়ে দাবী কৰিছে যে যেতিয়া তেওঁ বাকী থকা ধন বিচাৰিছিল, কৰণবীৰ আৰু তেওঁৰ পত্নী তিজয় সিদ্ধুৱে মহিলাগৰাকীক কোনো সন্তোষজনক উত্তৰ দিয়া নাছিল ৷ বৰঞ্চ তেওঁক হত্যা কৰাৰ ভাবুকিহে প্ৰদান কৰিছিল (Karanvir Bohra fraud case) ।

'লক আপ' ৰিয়েলিটী শ্ব’টোত দেখা গৈছিল কৰণবীৰক

অভিনেতা কৰণবীৰ বোহৰাক এই বছৰ কংগনা ৰাণাৱটৰ অ'টিটি ৰিয়েলিটী শ্ব' 'লক আপ'ত দেখা গৈছিল । অনুষ্ঠানটোত, কৰণবীৰে সুন্দৰ প্ৰদৰ্শন কৰিছিল আৰু তেওঁৰ অনুৰাগীসকলে তেওঁৰ খেলৰ ষ্টাইলটোও পছন্দ কৰিছিল ।

'লক আপ'ত কৰণে ৱাইল্ড কাৰ্ডৰ জৰিয়তে প্ৰৱেশ কৰিছিল । ৭২ দিন ধৰি চলি থকা এই অনুষ্ঠানটোত কৰণবীৰৰ সন্তান আৰু পত্নীয়েও তেওঁক লগ কৰিবলৈ আহিছিল । ইয়াৰ আগতে, কৰণবীৰে বিগ বছতো অংশগ্ৰহণ কৰিছিল ।