চিটাৰা ডেস্ক, 17 এপ্ৰিল: টেলিভিশ্বন জগতৰ অভিনেত্ৰী হিনা খানক আজি হয়তো সকলোৱে চিনি পায় ৷ ষ্টাৰ প্লাছৰ জনপ্ৰিয় ধাৰাবাহিক Yeh rishta kya kehlata hai ৰ জৰিয়তে অভিনয় জগতত আত্মপ্ৰকাশ কৰিছিল হিনা খানে (Hina Khan trolled) ৷ এই ধাৰাবাহিকখনৰ জৰিয়তে এক নতুন নাম পাইছিল আকশ্বাৰা ৷ অৱশ্যে হিনা খানৰ প্ৰকৃত ব্যক্তিত্ব বিগ বছ 11 ত হে দেখা পোৱা যায় ৷ বিগ বছ শ্ব’টোৰ পৰাই বহুতে হিনা খানৰ প্ৰকৃত ব্যক্তিত্ব দেখা পাইছিল ৷ এই শ্ব’টোৰ পৰাই হিনা খান মুছলিম বুলি বহু লোকে গম পাইছিল ৷ পৰৱৰ্তী সময়ত হিনা খান সকলোৰে বাবে ফেশ্বন আইকন হৈ পৰে (Hina Khan at Hello awards) ৷
হিনা খানে প্ৰায়ে অনুৰাগীৰ বাবে ছ’চিয়েল মিডিয়াত ছবি শ্বেয়াৰ কৰে ৷ অৱশ্যে এইবাৰ নিজৰ ফেশ্বন চেন্সৰ বাবেই ব্যাপক সমালোচনাৰ সন্মুখীন হৈছে হিনা খান (Hina Khan in semi sheer dress) ৷ দেওবাৰে অভিনেতাগৰাকীয়ে ছেমি শ্বিয়ৰ আউটফিট পৰিধান কৰি এৱাৰ্ড শ্ব’ত অংশগ্ৰহণ কৰিছিল । হিনাই আজি এৱাৰ্ড নাইট লুকৰ বহুকেইখন ছবি নিজৰ ইনষ্টাগ্ৰাম একাউন্টত শ্বেয়াৰ কৰিছে ৷ এই ছবিসমূহ শ্বেয়াৰ কৰাৰ পিচতে নেটিজেনৰ ক্ষোভৰ সন্মুখীন হয় অভিনেত্ৰীগৰাকী (Hina Khan in semi sheer dress) ৷
ছবিসমূহ শ্বেয়াৰ কৰি হিনাই লিখিছে, "মই জানো মই জুই আৰু আপুনি জ্বলাবলৈ হাহাকাৰ কৰি আছে ।" পোষ্টটো শ্বেয়াৰ কৰাৰ কিছু সময়ৰ পিচতে হিনাক নেটিজেনে ইছলাম ধৰ্মক অসন্মান কৰাৰ অভিযোগ উত্থাপন কৰে । হিনাক তেওঁৰ সাজ-পোছাকৰ বাবে সমালোচনা কৰি এজন ব্যৱহাৰকাৰীয়ে লিখিছে, ‘‘অন্ততঃ ৰমজান মাহক সন্মান কৰক ৷’’ আন এজনে লিখিছে, ‘‘যদি আপুনি উমৰাহ কৰিছিল তেন্তে সেইটোকো সন্মান কৰক ৷’’