চিটাৰা ডেস্ক, 13 জানুৱাৰী: সংগীত জগতৰ লগত জড়িত লোকসকলৰ বাবে আহিছে এটা বেয়া খবৰ ৷ আজি বিখ্যাত শাস্ত্ৰীয় সংগীত শিল্পী প্ৰভা আত্ৰেৰ মৃত্যু হয় ৷ জানিব পৰা মতে, শনিবাৰে পুৱা তেওঁৰ হাৰ্ট এটেক হয়, তাৰ পিছত তেওঁক পুনেৰ এখন চিকিৎসালয়লৈ লৈ যোৱা হয় যদিও চিকিৎসালয়ত উপস্থিত হোৱাৰ পূৰ্বেই তেওঁৰ মৃত্যু হয় ৷
প্ৰভা আত্ৰেই ৯২ বছৰ বয়সত শেষ নিশ্বাস ত্যাগ কৰে ৷ এই খবৰ শুনাৰ পিছত তেওঁৰ অনুৰাগীসকল শোকত ম্ৰিয়মান হৈ পৰিছে আৰু ছ’চিয়েল মিডিয়া প্লেটফৰ্মত তেওঁক শ্ৰদ্ধাঞ্জলি জনাইছে ৷ খবৰ অনুসৰি প্ৰভা আত্ৰেৰ পৰিয়ালৰ ঘনিষ্ঠ একাংশ লোক বহিঃৰাজ্যত থাকে ৷ এনে পৰিস্থিতিত পৰিয়ালৰ লোকৰ আগমনৰ পিছত গায়িকাগৰাকীৰ সৎকাৰ কৰা হ’ব ৷
কিৰানা ঘৰানাৰ সৈতে সম্পৰ্ক
প্ৰভা আত্ৰে থুমৰি, দাদৰা, গজল, গীত, নাট্যসংগীত, ভজন আদি বহু সংগীত শৈলীত দক্ষ আছিল ৷ তেওঁৰ কিৰানা ঘৰানাৰ সৈতে সম্পৰ্ক আছিল ৷ প্ৰভা আত্ৰেই কিৰানা ঘৰানাৰ সুৰেশ বাবু মানে আৰু হিৰাবাই বৰদকাৰৰ পৰা শাস্ত্ৰীয় সংগীতৰ তেওঁ শিক্ষা গ্ৰহণ কৰিছিল ৷