Bigg Boss 17: বিগ বছে খেলিলে নতুন খেল; খানজাদীলৈ লক্ষ্য কৰি অভিষেকৰ মনৰ ক্ষোভ প্ৰকাশ

বিগ বছৰ শেহতীয়া খণ্ডত দেখা গ’ল দীপাৱলীৰ ধামাকা । য’ত বিগ বছৰ প্ৰতিযোগীসকল সুন্দৰকৈ সাজ-পোছাক পৰিধান কৰি সংবাদ মাধ্যমৰ সন্মুখত উপস্থিত হৈছিল যদিও তেওঁলোকৰ লগত কথা পাতিব পৰা নাছিল ।

চিটাৰা ডেস্ক, 17 নৱেম্বৰ:বিগ বছ ১৭ত প্ৰতিদিনে কিবা নহয় নতুন টুইষ্ট দেখিবলৈ পোৱা যায় ৷ এফালে অংকিতা-ভিকিৰ যুঁজে যথেষ্ট লাইমলাইট লাভ কৰিছে ৷ আনহাতে বিগ বছে নিজৰ খেলেৰে প্ৰতিযোগীসকলৰ লগতে দৰ্শককো আচৰিত কৰি তুলিছে ৷ হয়... বিগ বছৰ শেহতীয়া খণ্ডত দেখা গ’ল দীপাৱলীৰ নতুন ধামাকা ৷ যিটোক বিগ বছে এক্সক্লুছিভ ইভেণ্ট বুলি সকলোকে জানিবলৈ দিয়ে, য’ত মাত্ৰ কেইগৰাকীমান প্ৰতিযোগীয়েহে প্ৰৱেশ কৰিবলৈ সুযোগ লাভ কৰে ৷

বিগ বছ ১৭ৰ শেহতীয়া খণ্ডত বিগ বছে ঘোষণা কৰিছে যে দীপাৱলী সপ্তাহ, গতিকে আজি ঘৰত দীপাৱলী উদযাপন কৰা হৈছে ৷ এয়া এক বিশেষ অনুষ্ঠান য'ত নিমন্ত্ৰণ লাভ কৰা সকলেহে প্ৰৱেশ কৰিব পাৰিব ৷ বিগ বছে আৰু বুজাইছে যে মাজে মাজে নিমন্ত্ৰণী পত্ৰ আহি থাকিব, যদি আপোনাৰ নম্বৰ বাচনি কৰা হয় তেন্তে বিগ বছ দীপাৱলী পাৰ্টিৰ দুৱাৰ আপোনাৰ বাবে খোল খাব ৷

অংকিতা, মুনাৱৰ, মনাৰা, সমৰ্থ, ঈশাকে ধৰি কিছুমান হাউচমেটে দীপাৱলী পাৰ্টিৰ বাবে নিমন্ত্ৰণী লাভ কৰে ৷ ইফালে, দীপাৱলী পাৰ্টিত অংশগ্ৰহণ কৰা সকলো প্ৰতিযোগীয়ে মুখত টেপ লগাই সংবাদ মাধ্যম পাপাৰাজীৰ সন্মুখত পোজ দিয়ে ৷

অভিষেকে খানজাদীওপৰত ক্ষোভ প্ৰকাশ কৰিলে

দৰাচলতে বিগ বছে এটা নতুন টাস্ক দিয়ে, য’ত প্ৰতিযোগীৰ সন্মুখত কিছুমান কাৰ্ড ৰখা হয় ৷ এই কাৰ্ডবোৰত নম্বৰ নাই কিন্তু প্ৰতিযোগীৰ ফটো থাকে, আৰু যিকোনো প্ৰতিযোগীয়ে আন কাৰোবাৰ কাৰ্ড পালে নাম প্ৰকাশ নকৰাকৈ সেই প্ৰতিযোগীগৰাকীক বেয়াকৈ ক’ব লাগে ৷ অভিষেকে ইয়াৰ সম্পূৰ্ণ সুবিধা লৈ খানজাদীলৈ লক্ষ্য কৰি নিজৰ মনৰ ক্ষোভ প্ৰকাশ কৰে ৷ অভিষেকে খানজাদীৰ নাম নোলোৱাকৈয়ে আনকি কয় যে তেওঁ সদায় কাৰোবাৰ হাতত ধৰি খোজ কাঢ়ে আৰু খানজাদীয়ে সদায় কয় যে, ঘৰলৈ যাব মন গৈছে, যদি তাই ঘৰলৈ যাব বিচাৰিছে তেন্তে নাযায় কিয় ৷

লগতে পঢ়ক:Kajol DeepFake Video: ৰশ্মিকাৰ পিচত এইবাৰ ডিপফেক ভিডিঅ’ৰ বলি কাজল