চিটাৰা ডেস্ক, ২৯ নৱেম্বৰ:প্ৰতিদিনে বিগ বছ ১৭ ৰ ঘৰত নতুন নতুন দৃশ্যপট দেখা পোৱা গৈছে ৷ প্ৰতিদিনে ইগৰাকীৰ সিগৰাকীৰ মাজত তৰ্ক-বিতৰ্ক, মনোমালিন্য দেখা পোৱা গৈছে । এনে পৰিস্থিতিত প্ৰতিযোগীসকলে জানি বা অজানিতে ইগৰাকীয়ে সিগৰাকীৰ আৱেগক আঘাত দিয়া দেখা গৈছে । শেহতীয়াকৈ ৰেপাৰ খানজাদীয়ে প্ৰকাশ কৰিছে যে তেওঁ Ankylosing Spondylitis নামৰ ৰোগত আক্ৰান্ত । এই প্ৰকাশৰ পিচতে বিগ বছৰ আন প্ৰতিযোগীয়ে খানজাদীৰ বেমাৰক লৈ ঠাট্টা কৰিছিল আৰু মিছা কোৱা বুলি দাবী কৰিছিল ।
খানজাদীৰ স্বাস্থ্যজনিত সমস্যাক লৈ কৰা ঠাট্টা-মস্কৰাৰ পিচতে, এতিয়া ছ’চিয়েল মিডিয়াত খানজাদীৰ সমৰ্থনত ওলাই আহিছে অনুৰাগী । এগৰাকী ব্যৱহাৰকাৰীয়ে এক্সত পোষ্ট শ্বেয়াৰ কৰি লিখিছে, ‘‘খানজাদী শক্তিশালী হৈ থাকক । আমি জানো আপুনি এগৰাকী সাহসী ছোৱালী, আশা হেৰুৱাব নালাগে । এইটো সময়ো পাৰ হৈ যাব, আমি আশা কৰিছো যে এই সপ্তাহত কালাৰছ টিভিয়ে খানজাদীৰ চিকিৎসকৰ স্পষ্ট ক্লিপটো দেখুৱাব, য’ত তেওঁ কৈছিল যে খানজাদীয়ে বহুত কষ্ট ভোগ কৰিবলগীয়া হৈছিল, গতিকে সত্য ওলাই আহিব আৰু তাৰ পিচত খানজাদী পুনৰ খেললৈ উভতি আহিব ।’’
বিগ বছক লৈ ক্ষুব্ধ অনুৰাগী
আন এজন ব্যৱহাৰকাৰীয়ে বিগ বছৰ ওপৰত প্ৰশ্ন উত্থাপন কৰিছে । তেওঁ ছ’চিয়েল মিডিয়াত পোষ্ট শ্বেয়াৰ কৰি লিখিছে, ‘‘এই সকলোবোৰ খানজাদীৰ লগত হৈছিল, কিন্তু বিগ বছে এবাৰো তাইক কনফেচন ৰুমৰলৈ মাতি কথা পতাৰ কথা এবাৰো ভবা নাই ।'