চিটাৰা ডেস্ক, ১৮ ডিচেম্বৰ: বিগ বছৰ ১৭ ছিজন আৰম্ভ হোৱাৰ পিচৰে পৰা বাতৰিৰ শিৰোনাম দখল কৰি আহিছে ৷ শ্ব’টো আৰম্ভ হোৱাৰ পিচৰে পৰা ড্ৰামা, কাজিয়া, মত বিৰোধ সকলো দেখা পোৱা গৈছে ৷ এই সকলোবোৰ মাজতে এতিয়া বিগ বছৰ ১৭ ছিজনত বিতৰ্কৰ মাজত সোমাই পৰিছে মুনাৱাৰ ফাৰুকী । এফালে যদি যোৱা উইকেণ্ড কা ৱাৰত ছলমান খানে মুনাৱাৰক সমালোচনা কৰিছে, আনফালে তেওঁৰ প্ৰেমিকা আয়েশা খানে শ্ব’টোত এন্ট্ৰি কৰিছে ৷ এন্ট্ৰি কৰাৰ লগতে মুনাৱাৰে একেলগে দুগৰাকীক ডেট কৰা বুলি অভিযোগ উত্থাপন কৰে আয়েশা খানে ৷
আয়েশাৰ সৈতে হোৱা সংঘৰ্ষৰ পিচতে আৱেগিক হৈ পৰে মুনাৱাৰ ৷ ষ্টেণ্ড আপ কমেডিয়ানগৰাকীয়ে কান্দি কান্দি বিগ বছৰ প্ৰতিযোগীসকলক কয়,"আপোনোলোকে মোক যোৱা ন সপ্তাহ ধৰি দেখি আহিছে । মই Fake নহয় ।"
অৱশ্যে এই সকলোবোৰৰ মাজতে এতিয়া ছ’চিয়েল মিডিয়াত অনুৰাগীয়ে মুনাৱাৰ ফাৰুকীক সম্পূৰ্ণ সমৰ্থন আগবঢ়াইছে । কেৱল এয়াই নহয়, ষ্টেণ্ড আপ কমেডিয়ানগৰাকীক বদনাম কৰা বুলি ছ’চিয়েল মিডিয়াত ব্যৱহাৰকাৰীয়ে তেওঁৰ প্ৰেমিকা আয়েশাক সমালোচনা কৰিছে ৷ ইয়াৰ লগতে মুনাৱাৰ ফাৰুকীৰ প্ৰেমিকা নাজিলা সীতাশিৰ এই কাৰ্যৰ বাবেও ছ’চিয়েল মিডিয়াত তেওঁক সমালোচনা কৰে ।
প্ৰেয়সীয়ে বদনাম কৰিছে নেকি মুনাৱাৰ ফাৰুকীক ?
ছ’চিয়েল মিডিয়াত নিজৰ পোষ্টৰ বাবে প্ৰায়ে বাতৰিৰ শিৰোনাম দখল কৰে মুনাৱাৰ ফাৰুকীৰ প্ৰেমিকা নাজিলা সীতাশিয়ে । কিছুদিন পূৰ্বে ইনষ্টাগ্ৰাম একাউণ্ট নিষ্ক্ৰিয় কৰিছিল যদিও পুনৰবাৰ ছ’চিয়েল মিডিয়ালৈ ঘূৰি আহিছে নাজিলা । ইনষ্টাগ্ৰামত নাজিলাই কামবেক কৰাৰ লগে লগে ব্যৱহাৰকাৰীসকল ক্ষুব্ধ হৈ পৰে নাজিলাৰ ওপৰত ৷