চিটাৰা ডেস্ক, 13 অক্টোবৰ: আৰম্ভ হ’ল ছলমান খানৰ শ্ব’ বিগ বছ ১৭ ৰ কাউণ্টডাউন । এই দেওবাৰৰ পৰা অনুৰাগীয়ে পুনৰ এবাৰ নতুন ছিজন উপভোগ কৰিবলৈ সুবিধা লাভ কৰিব ৷ এইবাৰ বিগ বছৰ ঘৰত প্ৰৱেশ কৰিব প্ৰায় ১৭ গৰাকী চেলিব্ৰিটি আৰু প্ৰায় ১০৫ দিন প্ৰতিযোগীয়ে কটাব এই ঘৰখনৰ ভিতৰত । এতিয়া এই ছিজনত কোন কোন চেলিব্ৰিটিয়ে অংশগ্ৰহণ কৰিব সেই কথা এক প্ৰকাৰে নিশ্চিত হৈ পৰিছে ।
তলত চাওক বিগ বছ ১৭ ৰ নিশ্চিত প্ৰতিযোগীৰ তালিকা
- অংকিতা লোখাণ্ডে আৰু বিকি জৈন
- ঐশ্বৰ্য শৰ্মা আৰু নীল ভাট
- ঈশা মালৱিয়া আৰু অভিষেক কুমাৰ
- মুনাৱাৰ ফাৰুকি
- অনুৰাগ ডোভাল ওৰফে ইউ কে ৰাইডাৰ
- মন্নৰা চোপ্ৰা
- জিগনা ভোৰা
- ছানি আৰিয়া ওৰফে তেহেলকা প্ৰেংক
- মানসৱী মামগাই
- ঋষি ধাৱন
বিগ বছৰ ঘৰত আৱদ্ধ হ’বলৈ সাজু ১৭ গৰাকী প্ৰতিযোগী !
বিগ বছ অ’টিটি ২ৰ পিচত, পুনৰ কালাৰ্ছ টিভিত শ্ব’টোৰ ১৭ সংখ্যক ছিজনৰ সৈতে আগমন ঘটিছে । ১৫ অক্টোবৰৰ পৰা আৰম্ভ হ’ব বিগ বছ ১৭, য’ত অংশগ্ৰহণ কৰি ১৭ গৰাকী প্ৰতিযোগীয়ে ৷ য’ত বলীউডৰ চেলিব্ৰিটিৰ পৰা আৰম্ভ কৰি ছ’চিয়েল মিডিয়াৰ তাৰকালৈকে সকলোকে অন্তৰ্ভুক্ত কৰা হ’ব । ছলমান খানে আঁত ধৰা এই বিতৰ্কিত শ্ব’টোৰ বিষয়বস্তু হ’ব একক বনাম দম্পতী ।
উল্লেখ্য যে এই তালিকাখন Bigg Boss_Tak ৰ এক্স হেণ্ডেলত শ্বেয়াৰ কৰা হৈছে ৷ যিয়ে শ্ব’টো আৰু ইয়াৰ প্ৰতিযোগীসকলক অনুসৰণ কৰে ৷ এই তালিকা অনুসৰি অংকিতা লোখাণ্ডে স্বামী বিকি জৈনৰ সৈতে বিগ বছ ১৭ত যোগদান কৰিব বুলি কোৱা হৈছে । লক আপ ছিজন ১ৰ বিজয়ী তথা কমেডিয়ান মুনাৱাৰ ফাৰুকিও এই শ্ব’টোত গ্ৰেণ্ড এণ্ট্ৰি কৰিব ।
এই প্ৰতিযোগীসকলেও যোগদান কৰিব পাৰে বিগ বছ ১৭ত
- আৰমান মালিক আৰু কৃতিকা/পায়ল মালিক
- কনোৱাৰ ধিলন
- এলভিছ যাদৱৰ প্ৰাক্তন প্ৰেমিকা কীৰ্তি মেহৰা
- টিকটকাৰ ফৈজ বালোচ
- জয় ছোনী
- সন্দীপ চিকন্দ
অৱশ্যে এই নামসমূহৰ বিষয়ে কোনো আনুষ্ঠানিক খবৰ পোৱা নাই
একে সময়তে টিভি অভিনেত্ৰী ঐশ্বৰ্য শৰ্মা আৰু তেওঁৰ স্বামী নীল ভাটৰো নাম পোহৰলৈ আহিছে । এই দুগৰাকীয়েও দম্পতী হিচাপে ঘৰত প্ৰৱেশ কৰিব । পৰৱৰ্তী সময়ত শ্ব’টোত প্ৰৱেশ কৰা দম্পতী হ’ল ঈশা মালভিয়া আৰু অভিষেক কুমাৰ । ইফালে জনপ্ৰিয় ইউটিউবাৰ অনুৰাগ ডোবালৰ নাম বিগ বছ ১৭ৰ বাবে দীৰ্ঘদিন ধৰি চৰ্চা চলি আহিছে । বিগ বছ ১৭ৰ বাবেও প্ৰাক্তন সাংবাদিক তথা লেখিকা জিগনা ভ’ৰাৰ নামো পোহৰলৈ আহিছে ।
লগতে পঢ়ক:Bigg Boss 17: বিগ বছৰ প্ৰতিটো খণ্ডৰ বাবে কিমান কোটি টকা লয় ছলমান খানে, জানিলে হতবাক হ’ব আপুনি
