চিটাৰা ডেস্ক, ২৮ ডিচেম্বৰ: সৰু পৰ্দাৰ এটা জনপ্ৰিয় নাম হিনা খান ৷ ‘য়েহ ৰিস্তা ক্যা কেহলাতা হে’ খ্যাত হিনা খান প্ৰায়ে নিজৰ কাম আৰু ফেশ্বনৰ বাবে বাতৰিৰ শিৰোনামত থাকে ৷ এইবাৰ পুনৰ বাতৰিৰ শিৰোনাম দখল কৰিছে অভিনেত্ৰীগৰাকীয়ে ৷ অৱশ্যে এইবাৰ ফেশ্বনৰ বাবে নহয়, অন্য এটা কাৰণত হে চৰ্চাত আহিছে অভিনেত্ৰীগৰাকী ৷ হঠাৎ অসুস্থ হৈ পৰিছে অভিনেত্ৰী হিনা খান আৰু বৰ্তমান চিকিৎসালয়ত চিকিৎসাধীন হৈ আছে । এই তথ্য ছ’চিয়েল মিডিয়াত খোদ শ্বেয়াৰ কৰিছে অভিনেত্ৰীগৰাকীয়ে । দৰাচলতে ভীষণ জ্বৰত ভুগিছে হিনা খান, যাৰ বাবে অভিনেত্ৰীগৰাকীক হাস্পতালত ভৰ্তি কৰিবলগীয়া হয় । ইয়াৰ লগতে অনুৰাগীক স্বাস্থ্যৰ আপডেট দিওঁতে হিনাই কয় যে তেওঁ অতি সোনকালে সুস্থ হৈ উঠিব ।
ভীষণ জ্বৰত ভুগিছে হিনা
হিনাই ইনষ্টাগ্ৰামত দুখন ফটো শ্বেয়াৰ কৰিছে । এখন ফটোত হিনাক চিকিৎসালয়ৰ বিচনাত বহি থকা দেখা গৈছে । ফটোখনৰ কেপচনত তেওঁ লিখিছে- Life update, চতুৰ্থ দিন।
দ্বিতীয়খন ফটোত হিনাই থাৰ্মোমিটাৰৰ ফটো শ্বেয়াৰ কৰিছে, য’ত তেওঁৰ শৰীৰৰ উষ্ণতা ১০২ দেখা গৈছে । এই ফটোখনৰ কেপচনত হিনাই লিখিছে - খুব বেছি জ্বৰত ভুগিছো আৰু মোৰ যোৱা চাৰিটা নিশা বহুত বেয়া গৈছে । এই উষ্ণতা কমি যোৱা নাই । অহৰহ ১০২-১০৩ত থাকে । এতিয়া শক্তি বাকী নাই । হিনাই লগতে লিখিছে - যিসকলে মোৰ বাবে চিন্তিত, তেওঁলোকক জনাব বিচাৰো যে মই সোনকালে বাউন্স বেক কৰিম ।