Laxman Utekar On Katrina Kaif: 'কেটৰিণাক মধ্যবিত্তীয় বোৱাৰী যেন নালাগে, বিকিৰ পত্নীৰ বাবে পৰিচালকে কিয় ক’লে এই কথা ?

চলচ্চিত্ৰ পৰিচালক লক্ষ্মণ উটেকাৰৰ ছবি জাৰা হাটকে জাৰা বাচকে এইকেইদিন শিৰোনামত । শেহতীয়া এক সাক্ষাৎকাৰত লক্ষ্মণক সোধা হৈছিল যে তেওঁ কিয় কেটৰিণা কাইফক বিকি কৌশলৰ বিপৰীতে ছবিখনত কাষ্ট কৰা নাছিল । ইয়াৰ উত্তৰত পৰিচালকগৰাকীয়ে ক’লে- কেটৰিণাক মধ্যবিত্তীয় বোৱাৰী যেন নালাগে ৷

চিটাৰা ডেস্ক, 30 মে’: বি-টাউনৰ অন্যতম প্ৰিয় দম্পতী হৈছে বিকি কৌশল (Vicky Kaushal) আৰু কেটৰিনা কাইফ (Vicky Kaushal Katrina kaif) । অৱশ্যে দুয়োগৰাকীয়ে এতিয়াও একেলগে এখন ছবিত কাম কৰা নাই ৷ কিন্তু পৰ্দাত যুটিটোক একেলগে ৰোমাঞ্চ কৰা দেখিবলৈ অপেক্ষা কৰি আছে বিকি-কেটৰিণাৰ অনুৰাগীসকল ৷ ইফালে বিকি কৌশল আৰু ছাৰা আলী খান এইকেইদিন ব্যস্ত হৈ আছে তেওঁলোকৰ আগন্তুক ছবি ‘জাৰা হাটকে জাৰা বাচকে’কলৈ (Zara Hatke Zara Bachke) ৷ ছবিখনৰ জোৰদাৰ প্ৰচাৰত ব্যস্ত বিকি আৰু ছাৰা ৷

ইফালে ছবিখনৰ প্ৰচাৰ চলি থকাৰ মাজতে ‘জাৰা হাটকে জাৰা বাচকে’ৰ পৰিচালক লক্ষ্মণ উটেকাৰক সোধা হৈছিল যে বিকি কৌশলৰ সৈতে ছাৰা আলী খানৰ (Sara Ali Khan) সলনি কেটৰিণা কাইফক কিয় লোৱা হোৱা নাছিল ছবিখনত ? ইয়াৰ পিচতে কাৰণ দাঙি ধৰিছে পৰিচালকগৰাকীয়ে (Laxman Utekar On Katrina Kaif) ।

‘জাৰা হাটকে জাৰা বাচকে’ ছবিখনৰ বাবে আজিকালি শিৰোনাম দখল কৰিছে বিকি কৌশলে। ছবিখনত তেওঁক চাৰা আলী খানৰ বিপৰীতে দেখা গৈছে। চিনেমাখনৰ পৰিচালক লক্ষ্মণ উটেকাৰ। আজিকালি তাৰকা অভিনেতাসকলে ছবিখনৰ প্ৰচাৰত ব্যস্ত। শেহতীয়াকৈ পৰিচালকে ছবিখনত বিকিৰ বিপৰীতে কেটৰিনাই অভিনয় নকৰাৰ প্ৰতিক্ৰিয়া প্ৰকাশ কৰিছে (Zara Hatke Zara Bachke director)।

‘জাৰা হাটকে জাৰা বাচকে’ত কেটৰিনাক কিয় কাষ্ট নকৰিলে ?

ছবিখনৰ পৰিচালক লক্ষ্মণ উটেকাৰে কয় যে কেটৰিণাক সৰু গাঁৱৰ নায়িকাৰ দৰে দেখা নাযায় । ‘জাৰা হাটকে জাৰা বাচকে’ৰ পৰিচালকে কয়- "যদি কেটৰিণাই মোৰ ভাষা বুজি পায়, তেন্তে কেৱল কৰিব পাৰিম। আপুনি ভাবিছে নে কেটৰিণাক কেতিয়াবা সৰু চহৰৰ নায়িকাৰ দৰে লাগে । যেতিয়া আমি ভাল চিত্ৰনাট্য পাম, তেতিয়া আমি নিশ্চিতভাৱে বিকি আৰু কেটৰিণাৰ সৈতে কাম কৰিম ।"

পৰিচালকে লগতে কয় যে তেওঁ কেটৰিণাক মধ্যবিত্তীয় বোৱাৰী বুলি বিবেচনা নকৰাৰ বাবে ছবিখনত অভিনেত্ৰীগৰাকীক কাষ্ট কৰা নাই ৷ লক্ষ্মণে কয়, "এইবাৰ মই কেটৰিণাৰ সৈতে কাম কৰিব নোৱাৰিলোঁ, কাৰণ ‘জাৰা হাটকে জাৰা বাচকে’ এখন সম্পূৰ্ণ বেলেগ ছবি আৰু মই অনুভৱ কৰোঁ যে কেটৰিণাৰ ব্যক্তিত্ব পৃথক, মই ব্যক্তিগতভাৱে অনুভৱ কৰোঁ যে তেওঁক এগৰাকী মধ্যবিত্তীয় যৌথ পৰিয়ালৰ বোৱাৰী যেন নালাগে ৷ "

'জাৰা হাটকে জাৰা বাচকে' কেতিয়া মুক্তি পাব ?

বিকি কৌশল আৰু ছাৰা আলী খানৰ অভিনীত ছবি ‘জাৰা হাটকে জাৰা বাচকে’ ২০২৩ চনৰ ২ জুনত ছবিগৃহত মুক্তি পাব । ছবিখনত বিকিয়ে ‘কপিল’ আৰু ছাৰাই ‘সৌম্য’ৰ চৰিত্ৰত অভিনয় কৰা দেখা যাব ।

লগতে পঢ়ক:Akanksha Dubey Case : আকাংক্ষা ডুবেৰ মৃত্যু সন্দৰ্ভত আৰক্ষীয়ে লাভ কৰিছে এক গুৰুত্বপূৰ্ণ তথ্য