চিটাৰা ডেস্ক, ২৯ মে’: অভিনেত্ৰী ছানী লিয়নিয়ে দেওবাৰে স্বামী ডেনিয়েল ৱেবাৰৰ বাবে এখন আন্তৰিক টোকা শ্বেয়াৰ কৰিছে । শেহতীয়াকৈ ২০২৩ চনৰ কাঁ চলচ্চিত্ৰ মহোৎসৱত ৰেড কাৰ্পেটত আত্মপ্ৰকাশ কৰে ছানীয়ে, য’ত তেওঁ স্বামীৰ সৈতে উপস্থিত হয় (Sunny Leone Daniel Weber)।
ইনষ্টাগ্ৰামত ছানীয়ে এই সন্মানীয় চলচ্চিত্ৰ মহোৎসৱত তেওঁৰ মুহূৰ্তৰ এটা ভিডিঅ’ শ্বেয়াৰ কৰিছে ৷ ভিডিঅ’টো শ্বেয়াৰ কৰি লিখিছে, "ভগৱানে আপোনাক @dirrty99 মোৰ জীৱনলৈ মোৰ সৰ্বনিম্ন মুহূৰ্তত পঠিয়াইছিল । সেই মুহূৰ্তত আপুনি আক্ষৰিক অৰ্থত মোৰ জীৱন ৰক্ষা কৰিলে আৰু তেতিয়াৰ পৰা মোৰ কাষত আছে । পোন্ধৰ বছৰ । আপোনাৰ অবিহনে @festivaldecannes ৰ এই মুহূৰ্তটো কেতিয়াও নহ’লহেঁতেন । মোক আগুৱাই নিবলৈ আৰু মোৰ সপোন অনুসৰণ কৰাত সহায় কৰিবলৈ আপোনাৰ অবিৰত যুঁজখন সঁচাকৈয়ে নিস্বাৰ্থ আছিল । মই আপোনাক ভাল পাওঁ আৰু ধন্যবাদ !"
ভিডিঅ’টোত ৰেড কাৰ্পেটত পেপছৰ সন্মুখত পোজ দি স্বামীক চুমা খাই থকা দেখা গৈছিল ছানীত (Sunny Leone pens gratitude note for husband)। ভিডিঅ’টো ড্ৰপ কৰাৰ কিছু সময়ৰ পিচতে অনুৰাগীয়ে কমেণ্ট ছেকচনত ৰঙা হৃদয় আৰু জুইৰ ইমোজি প্ৰেৰণ কৰে । ইফালে ছানীৰ স্বামী ডেনিয়েলেও এই পোষ্টটোৰ সন্দৰ্ভত অলপ পিচত মন্তব্য প্ৰকাশ কৰে ৷
কমেন্ট ছেকচনত ডেনিয়েলে মন্তব্য কৰি কয়, "আপুনি যিমানখিনি অৰ্জন কৰিছে সেইখিনি আপুনি নিজে উপাৰ্জন কৰিছে ! মোৰ লগত বা মোৰ অবিহনে ! মই আপোনাক ভাল পাওঁ ! ই মাত্ৰ আৰম্ভণিহে !"