ভাৰত জিকিলে নগ্ন হ’ব এইগৰাকী অভিনেত্ৰী; মেচৰ পূৰ্বেই কৰিলে ঘোষণা

World Cup 2023 Final: তেলুগু অভিনেত্ৰী ৰেখা ব’জে বিশ্বকাপ সন্দৰ্ভত এনে এক বিবৃতি প্ৰকাশ কৰিছে, যিয়ে এতিয়া ছ’চিয়েল মিডিয়াত ব্যাপক চাঞ্চল্যকৰ সৃষ্টি কৰিছে । অভিনেত্ৰীগৰাকীয়ে কয় যে যদি টিম ইণ্ডিয়া জয়ী হয় তেন্তে তেওঁ কাপোৰ খুলি দৌৰিব ।

চিটাৰা ডেস্ক, 19 নৱেম্বৰ: বৰ্তমান প্ৰতিগৰাকী ভাৰতীয়ৰ মাজত দেখা গৈছে বিশ্বকাপৰ জ্বৰ । আহমেদাবাদৰ নৰেন্দ্ৰ মোদী ষ্টেডিয়ামত চলি আছে ভাৰত আৰু অষ্ট্ৰেলিয়াৰ মাজত বিশ্বকাপ 2023 ৰ চূড়ান্ত খেলখন ৷ এই মেচখনক লৈ উৎফুল্লিত হৈ পৰিছে প্ৰতিগৰাকী ভাৰতীয় । ইফালে তেলুগু অভিনেত্ৰী ৰেখা ব’জে এই মেচখনৰ সন্দৰ্ভত এনে এক বিবৃতি প্ৰকাশ কৰিছে, যাৰ ফলত ছ’চিয়েল মিডিয়াত সৃষ্টি হৈছে ব্যাপক বিতৰ্ক ৷

তেলুগু অভিনেত্ৰীগৰাকীৰ বক্তব্যক লৈ সৃষ্টি হৈছে তীব্ৰ চাঞ্চল্যৰ

ৰেখা ব’জে নিজৰ ইনষ্টাগ্ৰাম একাউণ্টত এটা পোষ্ট শ্বেয়াৰ কৰিছে, য’ত তেওঁ টিম ইণ্ডিয়াৰ জয় সন্দৰ্ভত ঘোষণা কৰিছে । ‘ভাৰত জয়ী হ’লে নিজৰ কাপোৰ খুলিব’ বুলি ঘোষণা কৰিছে অভিনেত্ৰীগৰাকীয়ে ।

অভিনেত্ৰীগৰাকীয়ে নিজৰ পোষ্টত লিখিছে, ‘‘যদি ভাৰতে এই বিশ্বকাপত জয়ী হয়, তেন্তে মই কাপোৰ খুলি বিশাখাপট্টনমৰ সমুদ্ৰ তীৰত দৌৰিম । সকলোৰে শুভেচ্ছা টিম ইণ্ডিয়ালৈ । ’’ অভিনেত্ৰীগৰাকীৰ এই বিতৰ্কিত মন্তব্যৰ পিচতেই তেওঁক ছ’চিয়েল মিডিয়াত ব্যাপকভাৱে ট্ৰ’ল কৰা হয় । পোষ্টটোক লৈ বিভিন্ন জনে নিজৰ প্ৰতিক্ৰিয়া ব্যক্ত কৰিছে ।

ছ’চিয়েল মিডিয়াত ট্ৰ’ল হ’ল ৰেখা ব’জ

এই পোষ্টটোৰ পিচতেই ছ’চিয়েল মিডিয়া ব্যৱহাৰকাৰীয়ে অভিনেত্ৰীগৰাকীক ব্যাপকভাৱে ট্ৰ’ল কৰা পৰিলক্ষিত হয় । এজন ব্যৱহাৰকাৰীয়ে লিখিছে, ‘‘ভাৰত সদায় জয়ী হ’ব, আপুনি আপোনাৰ একাউণ্ট বন্ধ কৰক ।’’ আন এজন ব্যৱহাৰকাৰীয়ে ক’লে, ‘‘আপুনি লাজ পাব লাগে, এজনী ছোৱালী হৈও এনে কথা কেনেকৈ ক’ব পাৰে ।’’

উল্লেখ্য যে, এই খেলখন চাবলৈ আহমেদাবাদত উপস্থিত হৈছে বলীউডৰ বহু তাৰকা । টিম ইণ্ডিয়াক সমৰ্থন কৰিবলৈ ষ্টেডিয়ামত উপস্থিত আছে দীপিকা পাডুকন, ৰণবীৰ সিং, অনুষ্কা শৰ্মা, উৰ্বশী ৰাউটেলাকে ধৰি বহু চেলিব্ৰিটি । শচীন তেণ্ডুলকাৰৰ কন্যা ছাৰা তেণ্ডুলকাৰেও আহমেদাবাদত উপস্থিত হৈছে ।

লগতে পঢ়ক:নৰেন্দ্ৰ মোদী ষ্টেডিয়ামত বিশ্বকাপ দখলৰ যুঁজত ভাৰত-অষ্ট্ৰেলিয়া : 90 ৰাণত 3 টা উইকেটৰ পতন ভাৰতৰ