চিটাৰা ডেস্ক, 7 ফেব্ৰুৱাৰী : পুনৰ এবাৰ ডেটিঙৰ বাতৰিৰে চৰ্চালৈ আহিছে বলীউডৰ অভিনেতা উৰ্ৱশী ৰৌতেলা ৷ সোলাল চয়াদাৰ সৈতে উৰ্ৱশীৰ ফটোৱে খলকনি লগাইছে সামাজিক মাধ্যমত ৷ সোলাল চয়াদাৰ সৈতে পূৰ্বেও উৰ্ৱশীয়ে ফটো শ্বেয়াৰ কৰিছে ৷ কিন্তু এতিয়া ফ্ৰান্সৰ পেৰিছৰ পৰা শ্বেয়াৰ কৰা ফটোৱে সকলোৰে দৃষ্টি আকৰ্ষণ কৰিছে ৷ চয়াদাৰ সৈতে ইখনৰ পিছত সিখনকৈ ফটো শ্বেয়াৰ কৰি থকাৰ বাবে উৰ্ৱশীৰ অনুৰাগীসকল কৌতুহলী হৈ পৰিছে ৷ সকলোৱে জানিব বিচাৰিছে ঋষভৰ সৈতে সকলো শেষ নেকি তেওঁৰ ?
মঙলবাৰে উৰ্ৱশীয়ে ছ’চিয়েল মিডিয়াত পেৰিছৰ এখন ৰেষ্টুৰেণ্টৰ পৰা ধাৰাবাহিকভাৱে কেইবাখনো ফটো শ্বেয়াৰ কৰে । অভিনেত্ৰী গৰাকীয়ে স্বচ্ছ টপ পিন্ধা দেখা গৈছে যিটো তেওঁ ক’লা ৰঙৰ ক্ৰপ টপ আৰু এযোৰ ডেনিমৰ সৈতে যুটি বান্ধি পিন্ধিছিল । সোলালে ক্লিক কৰা ছবিবোৰত উৰ্ৱশীক সাংঘাতিক আকৰ্ষণীয় ৰূপত দেখা গৈছে । তিনিখন ছবিৰ ক্ৰমটোত সোলালে নিজৰ কিলাৰ লুক দেখুৱাইছে ।
উৰ্ৱশীৰ টাইমলাইনত প্ৰথমবাৰৰ বাবে ওলোৱা নাই সোলাল । বিগত সপ্তাহত ৰৌতেলাই চেভাল ব্লাংক পেৰিছৰ পৰা সোলালৰ সৈতে এখন চেলফি শ্বেয়াৰ কৰিছিল, যিটো স্থান প্ৰেমিক-প্ৰেমিকাৰ বাবে লগ পোৱাৰ গোপনীয় আশ্ৰয়স্থল বুলি গণ্য কৰা হয় (Urvashi Rautela instagram) । ছবিখন শ্বেয়াৰ কৰি উৰ্ৱশীয়ে সোলালক টেগ কৰি লিখিছে, "Je ne regrette rien," যাৰ অৰ্থ ইংৰাজীত হৈছে "সঁচা কথা ক'বলৈ গ'লে, মোৰ কোনো অনুশোচনা নাই" ৷