চিটাৰা ডেস্ক, 31 আগষ্ট: অতি শীঘ্ৰেই আহি আছে শ্বাহৰুখ খানৰ অভিনীত বহু প্ৰত্যাশিত ছবি ‘জৱান’ ৷ জৱানত শ্বাহৰুখ আৰু নয়নতৰাৰ উপৰিও আন বহু তাৰকাকো এই ছবিখনত অভিনয় কৰা দেখা যাব ৷ তাৰ ভিতৰত আছে দীপিকা পাডুকন, বিজয় সেতুপথি আৰু ৰিদ্ধি ডোগ্ৰা । কিন্তু এই ছবিখনত আছে আন এজন প্ৰতিভাবান শিল্পী ৷ হয়, নিজৰ উৎকৃষ্ট কমিক শৈলীৰ বাবে জনপ্ৰিয় সুনীল গ্ৰ’ভাৰো এই ছবিখনৰ অংশ । সুনীলৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত তেওঁ শ্বাহৰুখক প্ৰশংসা কৰা দেখা গৈছে ।
আচলতে বুধবাৰে সন্ধিয়া চেন্নাইত ছবিখনৰ প্ৰচাৰৰ বাবে জৱানৰ নিৰ্মাতাসকলে এক অনুষ্ঠানৰ আয়োজন কৰিছিল । শ্বাহৰুখ, বিজয় সেতুপথি আৰু এটলী উপস্থিত আছিল এই অনুষ্ঠানটোত । সেই সময়ত সুনীল গ্ৰ’ভাৰো উপস্থিত হৈছিল অনুষ্ঠানটোত । এতিয়া ছ’চিয়েল মিডিয়াত একেটা অনুষ্ঠানৰ পৰা তেওঁৰ এটা ভিডিঅ’ পোহৰলৈ আহিছে । য’ত তেওঁক ওম শান্তি ওমৰ সংলাপ কোৱা দেখা যায় ।
সুনীল গ্ৰভাৰৰ ভিডিঅ’টোত কি কৈছিল
ভিডিঅ’টোত মঞ্চত দেখা গৈছে সুনীল গ্ৰ’ভাৰক । তেওঁ নিজৰ কথা আৰম্ভ কৰে শ্বাহৰুখৰ ওম শান্তি ওমৰ সংলাপ, ‘পুৰী কায়নাত আপকো ওচছে মিলানে কি ছাজিশ কৰতি হে ৷’ ইয়াৰ পিচত তেওঁ কয় যে তেওঁ সদায় শ্বাহৰুখক ক’ৰবাত চাব বিচাৰিছিল, কিন্তু তেওঁৰ সৈতে একেখন ছবিতে কাম কৰাৰ সুযোগ পালে সুনীলে । এয়া তেওঁৰ বাবে সপোন পূৰণৰ দৰে।