চিটাৰা ডেস্ক, ৩১ ডিচেম্বৰ: ২৪ ডিচেম্বৰত মেকআপ আৰ্টিষ্ট শূৰা খানৰ সৈতে দ্বিতীয়বাৰৰ বাবে বিবাহপাশত আৱদ্ধ হৈছে বলীউডৰ অভিনেতা অৰবাজ খান । এতিয়া হানিমুন আৰু নৱবৰ্ষ উদযাপনৰ বাবে বিদেশলৈ ৰাওনা হৈছে এই দম্পতী । ইফালে শূৰাই নিজৰ ইনষ্টাগ্ৰাম একাউণ্টত এটা অতি আকৰ্ষণীয় ভিডিঅ’ শ্বেয়াৰ কৰিছে । য’ত অৰবাজে শূৰাক প্ৰপ’জ কৰা দেখা গৈছে ।
অৰবাজে আঁঠু লৈ শূৰা খানক দিলে বিবাহৰ প্ৰস্তাৱ
সাধাৰণতে শূৰা খান ছ’চিয়েল মিডিয়াত কম সক্ৰিয় । কিন্তু শেহতীয়াকৈ অভিনেত্ৰীগৰাকীয়ে অনুৰাগীৰ সৈতে এটা ভিডিঅ’ শ্বেয়াৰ কৰিছে । য’ত অৰবাজ খানে আঁঠু লৈ শূৰাক প্ৰপ’জ কৰা দেখা গৈছে । ভিডিঅ’টোত দেখা গৈছে যে অৰবাজে শূৰা খানক এটা ডাঙৰ ফুলৰ থোপা দি বিয়াৰ প্ৰস্তাৱ দিছে ।
ভিডিঅ’টো শ্বেয়াৰ কৰাৰ পিচত শূৰাই কেপচনত লিখিলে এই কথা
শূৰা খানে নিজৰ ইনষ্টাগ্ৰাম একাউণ্টত প্ৰস্তাৱৰ ভিডিঅ’টো শ্বেয়াৰ কৰিছে । ভিডিঅ’টো শ্বেয়াৰ কৰি শূৰাই কেপচনত লিখিছে, ‘‘১৯ তাৰিখে বিবাহৰ প্ৰস্তাৱ গ্ৰহণ কৰাৰ পৰা ২৪ ডিচেম্বৰত বিয়া হোৱালৈকে... অতি সোনকালেই হ’ল সকলো, আলহামদুলিলাহ ৷’’ ভিডিঅ’টোত শূৰাই অৰবাজকো টেগ কৰিছে । দুয়োৰে এই ভিডিঅ’টো সম্প্ৰতি ভাইৰেল হৈ পৰিছে ছ’চিয়েল মিডিয়াত, এতিয়া অনুৰাগী আৰু বি-টাউনৰ চেলিব্ৰিটিসকলে এই ভিডিঅ’টো লাইক কৰা পৰিলক্ষিত হৈছে । লগতে ভিডিঅ’টোৰ ওপৰত মন্তব্য কৰি এই দম্পতীক নতুন জীৱনৰ বাবে অভিনন্দন জ্ঞাপন কৰিছে ।
২৪ ডিচেম্বৰত বিবাহপাশত আৱদ্ধ হৈছিল অৰবাজ-শূৰা
উল্লেখ্য যে, ২৪ ডিচেম্বৰত অৰবাজ খানে শূৰা খানৰ সৈতে বিবাহপাশত আবদ্ধ হৈছিল । দুয়োৰে বিবাহৰ অনুষ্ঠান সম্পন্ন হৈছিল অৰবাজৰ ভগ্নী অৰ্পিতা খানৰ মুম্বাই বাংলোত । উল্লেখ্য যে, শূৰা খান এগৰাকী মেকআপ আৰ্টিষ্ট । যিয়ে ৰবীনা টেণ্ডনৰ সৈতে কাম কৰিছে । অৰবাজ আৰু শূৰাৰ বিয়াৰ খবৰটো প্ৰথমে শ্বেয়াৰ কৰিছিল ৰবীনাই ।
লগতে পঢ়ক:অৰবাজ খানৰ বিয়াত একেলগে সমগ্ৰ খান পৰিয়াল, চাওক ফটো
